P[etrus], divina miseracione Carnotensis episcopus, universis ad quos presentes littere pervenerint salutem in Domino sempiternam. Noveritis quod in nostra presencia constitutus Robertus de Froevilla, miles Carnotensis dyocesis, recognovit se vendidisse et imperpetuum quitavisse viris venerabilibus decano et capitulo Aurelianensibus totam terram de hereditate sua moventem, imbladatam et non imbladatam, quam se habere dicebat apud locum qui dicitur Mores et circumquaque, videlicet quamdam petiam terre que vocatur la Contre oche, continentem quinque minatas seminature terre, coadherentem terre Jodoini Poincon, militis, ex una parte, et terre Gaufridi Carpentarii, ex altera ; et quamdam aliam petiam terre que vocatur Canpus de Valle, continentem septem minatas seminature terre, coadherentem terre Odonis Chanthefain, ex una parte, et terre Amaurrici Bellehere, ex altera ;item quamdam aliam peciam terre que vocatur similiter Campus de Valle, continentem quatuor minatas seminature terre, coadherentem terre Johanis Guimart, ex una parte, et vie qua itur de Mores apud Mureles ; item quamdam aliam peciam terre que vocatur similiter Campus de Valle, continentem triginta minatas seminature terre, coadherentem terre domine de Mores, ex una parte, et terre Beloti Raintru, ex altera ; item quamdam aliam petiam terre que vocatur Marchis, continentem duodecim minatas seminature terre, coadherentem terre Beloti Raintru, ex una parte, et terre Guillelmi de Mesamium, militis, ex altera ; item quamdam aliam petiam terre que vocatur Magnus Campus, continentem quadraginta minatas seminature terre, et aliam peciam terre contiguam dicto Magno Campo que vocatur Hasta Longa, que due petie terre coadherent terre domine de Mores, ex una parte, et terre magistri Philipi de la Galoere, ex altera parte ; item quandam aliam petiam terre que vocatur Raindoi, continentem quatuor minatas seminature terre, coadherentem terre Giraldi Le Macon, ex una parte, et terre Amaurrici Bellehere, ex altera parte ; item quamdam aliam petiam terre que vocatur Campus deversus Sanctum Sigismundum, continentem viginti quatuor minatas seminature terre, coadherentem terre magistri Philipi de la Galoere, clerici, ex una parte, et terre Machoti Bellehere, ex altera ; item quamdam aliam petiam terre que vocatur Le Chemin Tornais, continentem quatuor minatas seminature terre, coadherentem terre Mathei Bordais, ex una parte, et vie qua itur apud Stampas, ex altera parte ; item quamdam aliam petiam terre que vocatur Torpoiz, continentem duodecim minatas s. t., coadherentem terre Guillelmi de Porta, militis, ex una parte, et terre magistri Philipi de la Galoere, ex altera ; item quamdam aliam petiam terre que vocatur Les Fiez, continentem similiter duodecim m. s. t., coadherentem terre magistri Philipi de la Galoere ex omni parte ; item quamdam aliam petiam terre que vocatur La Traversaine, continentem sex m. s. t., coadherentem ex una parte terre Mathei Bordais, et ex altera parte vie qua itur de Roverio apud Villerdu ; item quamdam aliam petiam terre que vocatur L'Oche de la Metoerie, continentem viginti quatuor m. s. t., coadherentem terre dicti magistri Philipi de la Galoere, clerici, ex una parte, et terre Mathei Bordais, ex altera ; necnon domum et granchiam sitas in dicto loco et quicquid habebat, habere poterat vel debebat tempore dicte vendicionis in dicto loco de Mores vel circa, in parrochiam de Rovreio Sancte Crucis vel circa, de feodo Petri et Auberti fratrum de Villerpium militum movencia, precio trecentarum et quadraginta librarum parisiensium, de quibus se tenuit dictus miles coram nobis integre pro pagato in pecunia numerata. Renuncians coram nobis etc... Promittens, etc... Has autem vendicionem et quitacionem et dominii translationem Mathia, uxor dicti Roberti, non vi non dolo ducta nec etiam circumventa, sed spontanea non coacta voluit, laudavit et concessit et liberaliter approbavit, promittens, etc... Renunciantes, etc... In cujus rei memoriam et testimonium presentes litteras sigillo nostro dictis decano et capitulo ad requisicionem dictorum Roberti et Mathie ejus uxoris tradidimus sigillatas. Datum anno Domini MCCLX^mo primo mense maio.