Fondation par le roi Philippe Auguste de son anniversaire à Sainte-Croix en échange de ses droits sur Saint-Pierre Ensentelée.
- B Bib. nat. de France, Moreau 90, fol. 46. Extrait du cartulaire de Sainte-Croix, fol. 36.
- C Copie d'Estiennot. Bibl. nat. de France, lat. 12739, fol. 5.
- D Copie d'Hubert. Bibl. nat. de France, coll. Jarry2.
- a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
In nomine sancte et individuæ Trinitatis. Amen. Philippus, Dei gratia Francorum rex. Noverint universi presentes pariter et futuri quod ad preces et instanciam venerabilium virorum Hugonis decani, Manasse capicerii et totius capituli Aurelianensis, intuitu Dei et ob remedium anime nostre et patris nostri bone memorie regis Ludovici et predecessorum nostrorum, dedimus et concessimus quidquid juris habebamus in donacione Sancti Petri in Semita lata et in ejus pertinentiis sub hac conditione quod ipsi de cetero in ecclesia Sancte Crucis anniversarium patris nostri regis Ludovici solenniter facient et post dies nostros nostrum similiter celebrabunt. Hoc autem super pericula animarum suarum se facturos promiserunt. Que ut in perpetuum rata et illibata permaneant, presentem cartam sigilli nostri auctoritate inferius annotato precepimus confirmari. Actum Aurelian[is] . Astantibus in palatio nostro quorum nomina supposita sunt et signa.
S. comitis Theobaldi, dapiferi nostri.
S. Guidonis buticularii.
S. Mathei camerarii.
S. Radulfi constabularii.
Data vacante cancellaria.
