Omnibus presentes litteras inspecturis, Stephanus, decanus de Pertico, salutem in Domino. Noverint universi quod litteras nobilis viri Odonis Borrelli, domini de Curia Alani, interleximus sub hac forma :

Omnibus1 presentes litteras inspecturis, ego Odo Borrelli, dominus de Cortalen, salutem in Domino. Noverint universi quod cum contentio verteretur inter me, ex una parte, et venerabiles viros decanum et capitulum Aurelianenses, ex altera, super eo quod dicti decanus et capitulum dicebant quod in domo sua apud Fontanas sita, quam a Gautrido Popelim emerant, ad pressorianda ascina sua pressorium construere poterant et habere, me in contrarium asserente quod absque licencia mea et assensu nullatenus pressorium construere poterant in domo prenominata ; item dicti decanus et capitulum de vino vinearum mearum quas habeo in parrochia de Fontanis totam decimam sibi deberi asserebant occasione cujusdam vendicionis quam eis feceram de decima tam bladi quam vini quam percipere solebam in parrochia de Fontanis, ego autem quod tota decima vini de dictis vineis meis mea erat in contrarium asserebam. Tandem de bonorum virorum consilio coram venerabili patre Philippo, Aurelianensi episcopo, in jure recognovi quod dicti decanus et capitulum in dicta domo sua de Fontanis ad pressorianda ascina sua pressorium construerere libere poterant et habere, et quod tota decima vini de vineis quas habebam in parrochia de Fontanis ad dictos decanum et capitulum sine alicujus participatione pertinebat. Prefatis insuper decano et capitulo in perpetuam elemosinam dedi septem arpenta terre mee in territorio quod Boscus Borrelli nuncupatur sita, cum omni jure, justicia et districtu que in eisdem habebam, ita quod in eisdem septem arpentis ego vel heredes mei nichil juris penitus modo aliquo poterimus reclamare. Concessi etiam ob anime mee et antecessorum meorum remedium sepefatis decano et capitulo quod carissima amita mea, domina Elyota, que ascinum suum quod ei proveniebat ex portione sua quam habet in decima vini de Fontanis ad pressorium quod in eadem villa habeo pressoriare tenebatur, dictum ascinum amodo pressoriare teneatur ad presorium quod in villa de Fontanis a sepefatis decano et capitulo construetur et similiter heredes ejus post ipsam, dictis decano et capitulo easdem redibitiones pro preparatione dicti ascini sui soluturi quas michi in pressorio meo hactenus persolverunt, et quod ipsos quandocumque ex parte dictorum decani et capituli fuero requisitus quandiu supervivero ad id faciendum compellam, et quod a filiis et filiabus meis postquam ad etatem duodecim annorum vel quatuordecim me vivente pervenerint omnia supradicta laudari faciam et concedi. Thomam de Molendino novo, Petrum de Bauziaco et Raginaldum de Estival, milites, Robinum fabrum, Gaufridum de la Fontenele, Johannem de Plesseyo, Galterum de Haya, Gaufridum de Haon et Odonem de Chatellon fidejussores constitui erga decanum et capitulum memoratos fide interposita promittens quod omnia supradicta dictis decano et capitulo tam contra omnes partes quam erga dominam feodi vel dominos garentirem. Volui etiam et concessi fide media quod si carissima mater mea moveret super premissis contentionem contra decanum et capitulum memoratos et ipsos traheret in causam coram venerabili patre episcopo Aurelianensi vel coram quocumque alio judice, quamtum de premissis occasione ejusdem matris mee dictis decano et capitulo per jus subtraheretur ego dicte matri mee ad vitam suam vel ipsi capitulo tantumdem de meo proprio in parrochia de Fontanis tenerer resarcire, et ipsos omnino conservare indempnes dummodo decanus Aurelianensis vel alius qui loco ejus succederet in dicta causa interesset loco mei vel alius quicumque quem ad hoc dictus decanus duceret statuendum. De hoc etiam a me firmiter observando omnes supradicti fidejussores extiterunt. Sepefati autem decanus et capitulum michi bona fide concesserunt quod in pressorio quod ab ipsis in dicta domo sua de Fontanis construetur non nisi ascinum totius decime de Fontanis et ascynum dictorum septem arpentorum terre et ascinum duorum aliorura arpentorum que eisdem olim in elemosinam contuleram si in ipsis septem et duobus arpentis vioce plantate fuerint, et ascinum aliorum quatuor arpentorum vinee si ea acquisierint in parrochia de Fontanis ipsis pressoriare licebit. In cujus rei memoriam et testimonium presentes litteras sigilli mei munimime roboravi. Actum anno gracie millesimo ducentesimo vicesimo quinto, mense octobri.

Omnia autem supradicta nobilis mulier Juliena, uxor prefati Odonis, et Johanna, filia ejusdem Odonis de prima uxore sua, voluerunt et concesserunt, fide media promittentes quod in supradictis nichil penitus reclamabunt. Actum anno Domini MCCXX quinto, mense octobri.