École des chartes » ELEC » Cartulaires d'Île-de-France » Sainte-Croix d'Orléans » Cartulaire » Février 1236

Vente au sous-chantre par Léger Todrap pour 40 sous parisis d'une place du Champ Hégron contiguë au verger du sous-chantre.

  • A Original sur parchemin. Arch. dép. Loiret, G 440.
  • a Cartulaire de Sainte-Croix d'Orléans (814-1300), éd. Eugène Jarry et Joseph Thillier, Paris, 1906.
D'après a.

Officialis Aurelianensis omnibus presentes litteras inspecturis salutem in Domino. Noverint universi quod in nostra presentia constituti Legerius Todrap et Thephana, uxor ejusdem Legerii, quamdam plateam quam habebant in Campo Aguenonis, virguto venerabilis viri M. succentoris Aurelianensis contiguam, in censiva domini Johannis de Magduno militis sitam, ut dicitur, eidem succentori pro quadraginta solidis parisiensibus vendiderunt et penitus quitaverunt, de quibus XL'ª solidis se tenuerunt dicti Legerius et Thephana coram nobis integre pro pagatis, fide prestita promittentes quod in dicta platea per se vel per alios nichil de cetero reclamabunt vel facient reclamari, immo dictam venditionem prefato succentori vel eis qui ab eo quantum ad hoc causam habuerint ad usus et consuetudines Aurelianenses guarentient contra omnes. Insuper dicta Thephana per fidem suam renunciavit omni juri quod in dicta platea ratione dotalicii vel quacunque alia ratione habere poterat vel debebat. In cujus rei memoriam et testimonium presentes litteras de voluntate parcium fecimus fieri et sigilli nostri munimine roborari. Actum .