Omnibus presentes litteras inspecturis P. decanus totumque capitulum Magdunense salutem in Domino. Noverint universi quod nos participationem factam de Johanne et Alesy, liberis defuncti Roberti Dougue, hominis de corpore ecclesie nostre, et Johanne, femine [de] corpore ecclesie Sancte Crucis Aurelianensis, factum per H. de Crevos, cantorem ecclesie nostre, ex parte una, et per Johannem de Blesis, canonico dicte ecclesie, ex altera, qui ex parte capituli Aurelianensis dictum Johannem elegit in servum dicte Aurelianensis ecclesie, dicta Alesy, sorore dicti Johannis, in nostra servitute remanente, ratam habemus et gratam. Actum anno Domini MCC sexagesimo primo, die martis ante festum beati Gregorii, mense martii.