École des chartes » ELEC » Le sanctoral du lectionnaire de l'office dominicain (1254-1256) » [PROPRIUM DE SANCTIS] » [PARS HIEMALIS] » 1- Andreas, ap., vig.

1- Andreas, ap., vig.

29 XI

[189a]

1.R

In vigilia beati Andree apostoli si dominica fuerit, legatur omelia de dominica. Alioquin, de vigilia.

1.1a Lectio prima secundum Johannem, primo, c.1

In illo tempore * stabat Johannes * et ex discipulis ejus duo. Et respiciens Jesum ambulantem * dixit : « Ecce Agnus Dei. » Et reliquaa.

  • Jo. 1, 35‑36.

1.1b

Omelia venerabilis Bede presbiteri. Å .

Stabat Johannes et respexit Jesum * quia in magno jam culmine perfectionis gressum animi fixerat ' unde jure celsitudinem divine majestatis mereretur intueri. Stabat * quia illam virtutum arcem conscenderat ' a qua2 nullis temptationum improbitatibus posset3 deici. Stabant cum illo et4 discipuli * quia magisterium ejus corde sequebantur immobili. Et respiciens, inquit, Jesum ambulantem * dixit : « Ecce Agnus Dei. » Ambulatio Jesu dispensationem incarnationis ' qua ad nos venire ' ac nobis exempla vivendi prebere dignatus est ' insinuat * sicut mansio ejus ' eternitatem Divinitatis in qua semper est Patri equalis ' apertissime designat.

  • Beda Venerabilis, H I 16, CCSL 122, l. 23-33, p. 112.
  • PD II 97
  • CPL 1367

1.2 Lectio secunda.

Ecce Agnus Dei. Cognovimus quare Jesum precursor suus Agnum Dei vocaverit * quia videlicet eum pre ceteris mortalibus singulariter innocentem. Hoc est ab omni peccato mundum novit * et quia nos suo sanguine redempturum * atque ideo quia dona sui velleris sponte largiturum ' ex quo vestem nobis nuptialem facere possimus ' id est exempla vivendi nobis relicturum previdit ' quibus in dilectione calefieri deberemus.

Respiciens ergo Jesum ambulantem Johannes ' dicit ' « Ecce Agnus Dei »  * quia videns eum inter homines conversantem ' profectumque illis vite celestis ' factis demonstrantem et verbis + aperte pronuntiabat * quia non ipse, ut putabant ' sed ille esset qui ad redemptionem generis humani a Deo patre esset missus in mundum.

  • ibid. l. 7-14, p. 111 et l. 34-38, p. 112.

1.3 Lectio tercia.

Et audierunt eum duo discipuli loquentem * et secuti sunt Jesum. [Jo. 1, 40-42] Bene duo discipuli inventi sunt ' qui Dominum primi sequerentur * ut etiam mistice designarent omnes qui illum perfecte sequerentur. Gemina dilectione devotos esse debere * hoc est ejusdem sui redemptoris ' et fratrum simul amore flagrantes.

Erat autem Andreas frater Symonis Petri ' unus ex duobus qui audierant a Johanne * et secuti fuerant Jesum. Invenit hic primum fratrem suum Symonum * et adduxit eum ad Jesum. [cf. Jo. 1, 40-42] Andreas Dominum quem invenit ' etiam Symoni fratri suo sequendum evangelizat * quia hoc est vere Dominum invenire ' vera illius dilectione fervere ' fraterne quoque salutis curam gerere. Ille et enim perfecte conditoris sui ducatum sequitur * qui etiam proximi quantum potest habere comitatum nititur.

  • ibid. l. 48-53, p. 112 et l. 103-110, p. 114.

a L'indication Et reliqua ne doit pas être prise comme une invitation à poursuivre la lecture de l'évangile ad libitum ou ad nutum. Il s'agit seulement de rappeler le lemme de l'homélie, lemme qui n'est autre que la péricope évangélique de la messe du jour. Aussi ce lemme est-il effectivement lu sous cette forme brève, Et reliqua compris. Cf. l'édition de l'Ordinarium au n° 15 : Cum autem ad secundam lectionem benedictio data fuerit, sedeat conventus. Quod observandum est ad omnes lectiones in Matutinis, nisi quando Evangelium legitur : tunc enim stare debent quousque dictum fuerit « Et reliqua ». Attendat autem quicumque legit primam lectionem, vel quartam, vel septimam quod, data benedictione, vel dicto « Et reliqua », quando legitur homilia, non prosequatur lectionem quousque strepitus sedium conquiescat. (C'est nous qui soulignons).
1 Lectio prima secundum Johannem, primo c.] cum linea subducta. Legi potest c vel e.
2 a qua] aqua a.c.
3 improbitatibus posset] inv. a.c.
4 et] add. int. l.