*33- S27 post « Deus omnium »
Sabbato vicesimo septimo.
*33.N
Lectiones in aliquibus ecclesiis in festis beate virginis.
*33.1 Lectio prima.
Sancta regina celi ' mater Domini ' domina mundi ' que nullum despicis ' nullum derelinquis + noli nos despicere * sed exaudi nos in tua sola pietate ' et erue nos ab hostium visibilium atque invisibilium potestate. Adjuva fragilitatem nostram, piissima Dei genitrix * ut per te mereamur possidere regna celestia.
O domina Virgo Maria ' offer nos Christo piis suffragiis + et impetra nobis omnibus veniam peccatorum * ut mereamur esse servi ancille filii tui, qui pro nobis nasci dignatus est ex te, Virgine benedicta. Ave, spes nostra, Dei genitrix Maria * que meruisti portare regem celorum ' et dominum angelorum. Tu omni laude dignissima et omnibus hominibus veneranda * nobis digneris esse propicia. Adsis nobis, gloriosissima Virgo propicia * que illum generare meruisti ' qui totius mundi crimina tulit ' qui totum orbem a sua mundat iniquitate.
- Haec oratio non inventa est.
*33.2 Lectio secunda.
Sancta Maria, virginum piissima ' suscipe vota servorum assidua * lapsos erige ' errantes corrige + trementes corrobora ' pusillanimes conforta * ut tibi semper referamus laudes ' quam summi Dei colimus genetricem. Suscipiat benignissima gemitus captivorum ' clamores peregrinorum ' suspiria juvenum ' vota virginum ' lamenta viduarum ' preces omnium ' sua sancta suffragia deposcentium * que cunctis seculis lumen verum effudit Dominum Jesum Christum. Virgo sancta ' virgo gloriosa ' mater Christi simul et sponsa + non dedigneris opem ferre animabus quas vides amore celestis sponsi flagrare * atque ejus nuptias sitibundo corde desiderare. O regina, dulcissima virginum + miserere omnium te pro affectu venerantium * et impetra omnibus veniam peccatorum ' quibus generare promeruisti ' ipsum fontem misericordie ' in quo lavantur omnia contagia delictorum.
*33.3 Lectio tercia.
O femina super feminas omnes benedicta ' que virum omnino non cognovisti * et Dominum in tuo utero bajulare meruisti ! Surge, o beatissima virgo, misericorditer actura pro nobis + surge et amplectere vestigia Redemptoris * da preces pro nobis quos cernis offensos ante oculos Conditoris. Sit quoque pro nobis certa orationibus in celis * [230b] ut deleas quicquid deliquimus in terris. Beata Dei genitrix, dum tuo nos obsequio interesse prospicis * ardentius nobis subvenire festina apud benignissimum filium tuum Dominum et Redemptorem nostrum. Omnibus quoque tam vivis quam defunctis miserere tua sancta intercessione * quibus promeruisti ipsum pietatis fontem largiri. Suscipe ergo, amabilis domina, nostre fragilitatis obsequia * et unico filio tuo pro nobis offer pia suffragia. Succurere, domina, fidelibus omnibus * impetrans nobis ' et illis, sine fine mansura vite perennis gaudia.
