*19- S13 a « Deus omnium »

*19.N

Ex sermone « Nativitatis gloriose. » Quem aliqui attribuunt Bede, aliqui Ambrosio. Å .

*19.1 Lectio prima.

Commemorationem virginis precipue venerantes, dilectissimi * quantis Dei plena muneribus ' quam reverenda angelicis potestatibus ' quantis sit etiam ab omnibus sanctis extollenda honoribus ' quantisque ab universa Ecclesia frequentanda laudibus ' prout possumus consideremus. Sed etsi rerum universitas singulis distincta speciebus ' in beate Dei genitricis Marie laudem magnis succlamet vocibus * tamen dignitatem ejus intelligentibus ' surditas hoc vel silentium apparebit. Quid igitur agendum est nobis memoriam ejus venerantibus + qui ejus laudem digne extollere nequimus ?

• Bernierus Humolariensis, ed. J.M. Canal sub nomine Fulberti Carnotensis, RTAM 30 (1963), l. 314-323, p. 82.
• CPP 174 et 4118

*19.2 Lectio secunda.

Agnita, carissimi, nostri conatus inefficacia ' ejus sunt postulanda suffragia ' ejusque imploranda pietatis viscera * ut per ejus sanctissima merita nobis divina repropitiante clementia ' humilitatis ejus mereamur sequi vestigia. Humilitas hujus in tanto virtutis culmine excrevit * ut quod Eve temeritas fecit impossibile ' hujus mitissima lenitate fieret perfacile. Illa superbiente ' homini illuc ituro Celum clauditur + hujus humilitate divina se preveniente gratia ' sicut ante secula prefinitum est * ut ad nos Dominus veniat ' juxta optantis vaticinia prophete ' Celum disrumpitur.

• ibid. l. 323-331, p. 82.

*19.3 Lectio tercia.

Humilitatis quoque Marie digne tantum posse dicitur * quam Dominum respexisse ' ejusque Spiritum in Deo salutari suo exultasse ' gratanter ipsa fatetur. Respexit Dominus, inquit, humilitatem meam * [228b] et fecit in me magna. [Luc. 2, 48-49] Sunt quidem hec que in ea fecit Dominus magna + sed talia quibus non facile sint reperienda majora * nec horum temere maxima sint dicenda. Illa de superbia culpam non confitente ' expulsionem meruit paradysi + hec se ancillam Domini confessa ' Deum gignere meruit, qui nos post hujus peregrinationem exilii transferat ad celestis palatia regni * quod beatissima genitrice Maria interveniente prestare dignetur ' qui cum Patre et Spiritu Sancto vivit et regnat, Deus per omnia secula seculorum amen.

• ibid. l. 331-342, p. 82-83.