École des chartes » ELEC » Le sanctoral du lectionnaire de l'office dominicain (1254-1256) » [DE BEATA VIRGINE IN SABBATIS] » *2- S2 post Oct. Epiphaniae

*2- S2 post Oct. Epiphaniae

Sabbato secundo.

*2.1 Lectio prima.

Si sollicitius perscruteris * preter legitimum humane conceptionis usum tres valde mirabiles nascendi species operatam Trinitatem reperies. Prima est ' quod Adam formatus est ex limo + secunda quod mulier formata est de masculo * tertia vero celestis ' quod Christus ex virgine processit. Quid horum non novum + quid non mirabile ? Quod autem hoc mystico conceptu mundum suum visitare dignatus est Dei Filius ' hoc nostre salutis neccessitas flagitabat * nimirum ut celestis tandem generatio repararet quod nativitas terrena perdiderat.

  • Ps. Maximus, h 12, PL 57, c. 248C-249A.
  • PD I 22
  • CPL 220, PLS III, c. 352, CPP 5766a

*2.2 Lectio secunda.

Sed fortassis hunc qui natus predicatur ex femina ' dum vilibus obvolvitur pannis + dum jacere contentus est in presepi ' dum lacrimosis concrepat vagitibus ' dum maternis lactatur uberibus * Deum esse diffidis. Immo per ista, frater, adverte ' eum, ut hominem, infirma pro infirmis pertulisse * et, ut Deum, celestem potentiam exercuisse. Hic namque qui sordentibus pannis circumdatur * regiis a Caldeis muneribus honoratur. Hic qui humilis jacet in presepio * lumine novi sideris choruscat e celo. Hic qui reddit infantie vagitus * vocibus angelici collauditur exercitus.

  • ibid. c. 249A.

*2.3a Lectio tercia.

Christus qui femineo nutritur lacte * multa hominum milia parvissimo satiavit pane.

  • ibid. c. 249B.

*2.3b

Augustinus in sermone « Salvator noster ». Å .1

Lacta ergo, mater virgo, cibum nostrum * lacta panem de Celo venientem ' et in presepio positum velut piorum cibaria jumentorum. Illic enim agnovit bos possessorem suum * et asinus presepe domini sui. [Is. 1, 3] Lacta eum qui talem fecit te * ut ipse fieret2 in te. Qui tibi et munus fecunditatis attulit conceptus * et decus virginitatis non abstulit natus. Qui sibi prius quam nasceretur ' et uterum de quo nasceretur ' et diem quo nasceretur elegit * et ipse condidit quod elegit ' ut illinc procederet velut sponsus de thalamo suo.

  • Augustinus, s dub. 369, PL 39, = 1, c. 1655.
  • AF I 9a
  • CPL 285, PLS II, c. 403

a Cf. *1, note (b).
1 in marg.
2 fieret] fiere a.c.