Le chevalier Gui de Senlis, fils de Landri, et sa femme Berthe, donnent trois arpents de terre à Survilliers et un champ à Pantin.
- A Original perdu.
- B Copie de 1118, Bibl. nat. de Fr., ms. lat. 10977, Liber Testamentorum, fol. 14, nº 28.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Notum sit omnibus tam presentibus quam futuris quoniam Wido miles de civitate que dicitur Silvanectis, qui etiam filius Landrici et Hermengardis extitit, et cognominatus est86, ejusque uxor nomine Berta, dederunt pro remedio animarum suarum atque parentum suorum Deo, sanctisque apostolis Petro et Paulo, et æcclesiæ Sti Martini prope Parisius sitæ, que etiam vocatur de Campis, fratribusque ibidem Deo servientibus, tres arpennos terræ in loco qui dicitur ad Sordidam villam87 in territorio scilicet Silvanectensi, et unum campum in territorio Parisiensi circa locum qui nominatur Pentinus26.
Hoc donum fecit predictus Wido cum prefata uxore suæ Berta Parisius senioribus et monachis predicte æcclesiæ ; et posuit super altare.
Postea vero, ipso defuncto, uxor ejus Berta ipsum donum recognovit et confirmavit, apud Sanctum-Dionisium, concedentibus et laudantibus quodam Fulberto cum filiis suis Fulberto et Vitale, qui illud prius calumniabantur.
Hujus rei testes sunt isti : Johannes de Cornulongo, et filius ejus miles, nomine Goisfridus ; Herveus, Odardus ; Aimardus et Odardus de Sanavilla, et Ascelinus vicarius, Arnulfus de Vicis, Radulfus Calvus, Flobertus, Burdinus de Sanavilla, Rotgerius de Spieis88 ; ego quoque Amicus clericus, qui horum testium nomina adnotavi.
