Etienne, évêque de Paris, approuve le don de la terre de Bouffémont à Saint-Martin-des-Champs par Hugues Tirel.
- A Original perdu.
- B Copie de 1209, Arch. nat., LL 1351, fol. 44, non coll.
- C Copie du xve siècle, Arch. nat., LL 1352, fol. 43.
- D Copie du xvie s., Arch. nat., LL 1353, fol. 44'.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
In nomine sancte et individue Trinitatis. Quia disponente Deo, ad prelationis fastigium et speculationis locum in sancta Ecclesia provehimur, ut provida vigilantia tocius ecclesie paci, secundum nominis nostri proprietatem superintendamus, dignum ducimus eorum maxime providere tranquillitati, qui mundo renuntiantes, Deo vocantea mundana, prout possunt, devitant negotia. Ideoque, sagaci provisione, que in futurum obesse possent sunt precavenda, ut pacis firmentur stabilimenta. Iccirco ego Stephanus, Dei gratia Parisiorum episcopus, notum fieri volo t. f. q. p. quod Hugo Tirels me devote rogavit, ut donum quod ipse fecerat monasterio Sti Martini de Campis et monachis ibidem Deo servientibus, assensu domini regis Francorum Ludovici, in palatio ipsius, me presente, de villa videlicet Bofesmont135, cum omnibus redditibus et appenditiis suis, sigillo meo firmarem, et omnes ejus invasores anathematis sententia feriam. Ego autem, secundum rationabilem pred. Hugonis petitionem, istud prefatum donum sigilli mei attestatione confirmo, et divina auctoritate omnes ejus malignos invasores et direptores excommunico et a cetu fidelium et pace ecclesia sequestrandos censeo, et nisi resipiscentes satisfecerint, a justorum grege remoti, cum Sathane angelis, eternis deputentur suppliciis. Amen.
Actum Parisius, xiiiimo137.
