Pierre le Vénérable, abbé de Cluny, approuve l'échange de l'église de Montmartre contre celle de St-Denis de la Châtre, conclu entre le prieur Thibaud II et le roi Louis VI.
- A Original perdu.
- B Copie du xiiie s., Arch. nat., L 1030, nº 1, fol. 1.
- C Copie du xves., LL 1605, fol. 27.
- D Copie du xvie s., Arch. nat., LL 1353, fol. 162.
- E Copie du xviie s., Arch. nat., LL 1399, pp. 10-11.
- a Marrier, Monasterii S. M. de C. historia, p. 327, avec de nombreuses variantes fautives.
- b Bibliotheca Cluniacensis, col. 1397.
- c Robert de Lasteyrie, Cartulaire général de Paris, t. I, p. 245, nº 241, d'après B. C.
- d Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
- Bruel, Chartes de Cluny, nº 4043, t. V, p. 494, d'après b.
In nomine sancte et individue Trinitatis. Diligens precedencium patrum prudencia et studiosa nihilominus sagacis providencie eorum sollercia, alumna pacis, amica concordie, presentum futurorumque consulens utilitati, hoc instituit, hoc previdit, hoc inspirante Deo decrevit, ut quoties aliquid precipuum agitur, vel Deo servientibus memoria dignum confertur beneficium, litterarum testimonio et scriptorum privilegio roboretur, quo memorie tenacius commendetur. Cujus constitutionis doctrinam, divinitus editam, ego frater Petrus, abbas Cluniacensis, subsequens, actionem illam salutiferam inter piissimum regem Francorum Ludovicum et ejus uxorem Adaleidam reginam corumque filios, ac priorem Sancti Martini de Campis domnum Teobaldum, et conventum, solenniter peractam, de ecclesia videlicet Montis Martyrum et de ecclesia Sancti Dionisii de Carcere approbo et concedo, utque nostris temporibus et futuris firmior habeatur, inviolabiliter teneatur, rata conservetur et indissolubilis, scripto presenti confirmo. Sunt autem hæc quæ ego et conventus concessimus : Ecclesia videl. libera, eo duntaxat modo quo monachi nostri tenuerunt ; et decima ad eamdem ecclesiam pertinens, cum vineas et terra arabili, cum uno hospite apud Darenciacum, ceterisque appendiciis que ibidem Deo servientes possiderunt. Addidimus præterea ecclesiam de Sancto Martyrio cum vincis Aden et Morelli culturam ; culturam etiam quam dominus Matheus prior comparavit à Vuarnerio de Portu.
Actum Parisius, apud Sanctum Martinum de Campis, , residente in apostolica sede Innocentio, Ludovico rege Francorum, et domini Petri Cluniacensis abbatis anno duodecimo.
