Vente d'une maison par Gautier, prieur de St-Martin, à Gérard le Maçon.
- A Original jadis scellé, Arch. nat., S 1369, nº 32.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
- R. de Lasteyrie, Cartulaire général de Paris, p. 397, nº 472.
Ego Gauterius, prior Sti Martini de Campis et conventus, notum facio quod Gerardus cementarius emit a nobis domum quandam in terra nostra pro qua debebantur iiii denarii census, singulis annis. Ipse vero xx den. ad censum addidit ; itaque domum ipsam ei jure hereditario possidendam, ad censum ii sol. concessimus in hunc modum ut tam ipse quam heredes ipsius nunquam pro domo ipsa cogi possint ad solvendam talliam vel exactionem, aliqua salva justicia terre nostre. Census autem predictus solvetur. Si qua super eidem terra calumpnia orta fuerit, prefato Girardo garanthiam per rectum ferre tenemur. Quod ut in posterum ratum et inconcussum permaneat, scripto presenti et sigilli nostri impressione cum assensu capituli et testium subnotatione firmavimus.
Hii sunt testes : Joscelinus supprior ; Ansculfus, Petrus camerarius, Willelmus armarius, monachi ; Bertrannus cementarius, Hugo miles, Rainoldus de Sancto-Marcello, Malgerius, Rogerius de Sancto-Benedicto, laicia
