Ilbert, doyen de Péronne, constate la donation faite par Eudes, préchantre de son chapitre, à l'église St-Médard de Cappy, des deux tiers de la dîme de Barleux.
- A Original Arch. nat., L 875, nº 80 smchamps_0091_.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Ego Ilbertus, Dei miseratione, sancte Peronensis ecclesie dictus decanus, totumque ejusdem ecclesie capitulum, universis Sancte matris Ecclesie filiis, salutem. Quoniam nos per succedentium vices in hunc ordinem mortalitatis ea lege natura suscepit, quod sicut predecessorum suscepti sumus loco, sic nos admittere posteros et cedere venientibus oporteret. Dignum nobis visum est antique patrum consuetudini quantum possumus adherere, et quemadmodum ipsi preteritorum memoriam antiquatama ab oblivionis interitu, vivaci pagina defendere statuerunt, sic nos etiam litterarum vigilante custodia, ab invide vetustatis neglecta caligine posterorum mentis oculos abstergamus. Notum itaque facimus t. p. q. f. venerabilem fratrem nostrum Odonem, precentorem, in presentia nostra, ecclesie Sti Medardi de Capi76, pro anniversario suo et pro animabus predecessorum suorum, duas partes decime de Barlos245 que ad eum jure hereditario spectabant, in elemosina concessisse ; et ne forte aliquis in posterum reclamaret, testes multos adhibuisse. Nos autem, quoniam in presencia nostra donum istud sancitum est, signa eorum et nomina qui interfuerunt, subscripsimus, et sigilli Beati Fursei impressione firmavimus.
Signum Radulfi sacerdotis. S. Hugonis et Ingranni diaconorum. S. Gossuini canonici. S. Milonis scolastici. S. Girardi. S. Symonis. S. Guidonis. S. Radulfi. S. Rabodi. S. Urbani. S. Gaufridi. S. Girardi cancellarii.
