Le pape Alexandre III, étant à Sens, fixe à trois marcs d'argent la rente à payer par St-Martin-des-Champs à St-Martin de Tours pour l'église de Pas.
- A Original scellé de plomb, Arch. nat., S 1334, nº 1 précédemment L 231.
- B1 Copie de 1209, Arch. nat., LL 1351, fol. 14
- B2 Copie du xve s., Arch. nat., LL 1352, fol. 14.
- C Copie du xve s., Arch. nat., LL 1353, fol. 14'.
- a Marrier, Monasterii Sti Martini de C. historia, p. 352.
- b Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
- Jaffé, Regesta Pontificum, t. II. p. 179, nº 11010.
Alexander, episcopus servus servorum Dei dilectis filiis 1 priori et fratribus Sti Martini de Campis. Cum inter vos et dilectos filios nostros Canonicos Sti Martini Turonensis, super ecclesia Sti Martini de Passo, coram nobis olim controversia tractaretur, ejusdem ecclesie possessionem jamdictis canonicis adjudicavimus, questione proprietatis integra reservata ; ita quidem quod religio ibidem institui de consilio nostro deberet. Postmodum vero cum in nostra presencia super proprietate sepius questio tractata fuisset, causa pendente et adhuc dubia existente, de communi fratrum nostrorum consilio, auctoritate qua fungimur statuimus ut Cluniacensium fratrum religio perpetuis ibidem deberet temporibus observari, et per fratres vestri monasterii ordinari ; ita tamen quod canonicis supradictis tres marcas ad pondus Trecense, vel ipsius unius prebende ecclesie redditus, utrum idem Canonici preeligerint, annis singulis solveretis. Quoniam igitur ipsi in sua obstinatione sistentes, infra terminum sibi a nobis prefixum, alterum predictorum eligere contempserunt, Apostolica auctoritate censemus, ut a proximis duos annos eisdem tres marcas annuatim solvatis, ita quidem quod ipsi liberam habeant facultatem interim alterum prescriptorum quod voluerint eligendi. Si autem illas a nobis infra duos annos recipere forte noluerint, nullum id ecclesie vestre prejudicium faciat, nec eas postea solvere compellamini. Ceterum si infra biennium utrum, tres marcas annuatim, an potius unius prebende redditus, maluerint, eligere recusaverint, vos eis ex tunc nonnisi tres marcas quotannis eis solvere teneamini.
.
