Pierre, évêque de Beauvais, fondant de saintes espérances sur la communauté de St-Léonor de Beaumont-sur-Oise, lui concède une moitié de l'église et de la dîme de Fresnoy-en-Thelle, restituée par Pierre de Vaux ; l'église et l'aître de Courcelles, rendus à l'Église par Garnier Chausson, Raoul d'Asnières et Eudeline ; enfin l'église St-Pierre de Beaumont, à la prière du vicomte Garnier et de la recluse qui y est logée.
- A Original Arch. nat., S 1410, nº 48.
- B Copie de 1209, non collat., Arch. nat., LL 1351, fol. 69.
- C Copie du xve siècle, Arch. nat., LL 1352, fol. 66'.
- D Copie du xvie s., Arch. nat., LL 1353, fol. 74'.
- a Douët d'Arcq, Recherches historiques sur les comtes de Beaumont-sur-Oise, p. 4.
- b Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Attenditur in monasteriis vigere servitium Dei, quia veri monachi temporalium amorem atque sollicitudinem omnino abiciunt et ideo solis divinis obsequiis mancipati, Deo liberius et devotius famulantur. Incumbit igitur ecclesiarum rectoribus ut pro Dei amore, eorum provideant tranquillitati et paci, quos sub regimine vident regulariter vivere et in Xristo per omnia suis episcopis obedire.
Unde ego Petrus, Dei gratia, Belvacensis episcopus, bonam spem habens in Domino de monachis qui in ecclesia Bti Leonorii de Belmonte serviunt Deo, ipsis et eorum successoribus, pro amore Dei, in perpetuum possidendam concedo medietatem ecclesie et medietatem decime de Fresneio411, quam laica manus invaserat, assensu tamen illius, videlicet Petri de Vallibus411, qui eam quoquomodo tenuerat, illius quoque de cujus feodo esse videbatur, scilicet domni Mathei comitis Belmontensis412. Insuper et ecclesiam et atrium de Cyrcellis411 similiter, consensu laicorum qui injusta invasione diu ea tenuerant, videlicet Garnerii Calcionis et Radulfi de Asneriis411 et Odeline, salva tamen omnino justicia et reverentia et omnibus reditibus quos predicte ecclesie mihi debent, et archidiacono meo, ceterisque ministris meis, hanc concessionem facio ; ita etiam ut quociens Belvacensis ecclesia pretaxatis ecclesiis, qui hac concessione continentur, silentium indixerit, obedienter divinis obsequiis cessent, quantum et quomodo eis fuerit imperatum, sicut facient cetere baptismales ecclesie hujus episcopatus, que ad monachos nullatenus pertinere noscuntur. Ut autem hec concessio firma permaneat, eam scripti hujus assertione, sigilli quoque mei auctoritate, assignatam confirmo.
Concedo similiter ecclesiam Sti Petri apud Bellomontem sitam, cum atrio et omnibus ad eam pertinentibus, consensu atque rogatu Warnerii vicecomitis412 atque incluse ibidem commorantis.
† Signum Petri episcopi. S. Theobaldi archidiaconi. S. Rotgeri, decani. S. Henrici, archidiaconi.
Actum Belvaci .
