Lisiard, évêque de Soissons, autorise St-Martin-des-Champs à posséder dans son diocèse l'église de Largny [en Valois], que des laïes détenaient auparavant comme fief relevant du comté de Crépy. La comtesse douairière et son fils Raoul ont approuvé cette cession.
- A Original perdu.
- B Copie de 1129, Bibl. nat. de Fr., ms. lat. 10977, Liber Testamentorum, fol. 83'.
- C Copie de 1209, Arch. nat., LL 1351, fol. 80, collationnée et complétée.
- D Copie du xve s., Arch. nat., LL 1352, fol. 78'.
- E Copie du xvie s., Arch. nat., LL 1353, fol. 90'.
- a Marrier, Monasterii S. M. de C. historia, p. 528.
- b Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
In nomine Patris et Filii et Spiritus Sancti, amen.
Ego Lysiardus, Dei gratia Suessorum episcopus, licet indignus, non ignorans quid sollicitudinis, quid amoris, Xristi et Ecclesie filiis debeamus, et cum multo timore perpendens, quid oneris protegendis fidelibus populis sustineam, quanto ad hec auxilio, quantave distribuendis mihi eorum oblationibus sollertia indulgeam, faciendum pro necessitate cognovi ad supportandam tante impositionis sarcinam, servorum Dei auxilia querere, eosque ut nobiscum, ob custodiam gregis Dei, vigilent et orent, stipendiorum nostrorum participes efficere. Cum autem omnibus si fieri posset, munificum et utilem episcopalis me dignitas esse deposcat, religiosis maxime viris munificentie et utilitatis mee liberalitatem aliqua inpendere statui.
Quapropter ecclesie Beati Martini de Campis et fratribus ibidem Deo servientibus quorum conversationem Deo et hominibus placere manifestum est, ecclesiam de Lerniaco377, quam diu manus laica injuste invaserat, assensu tamen illius qui eam quoquomodo tenuerat, illius quoque de cujus feodo, comitisse videlicet Crispeii et Rodulfi, ejusdem comitisse filii379, esse videbatur, pro salute anime mee et ecclesie defensione concedo cui, Deo auctore, presideo, liberam cum omnibus appenditiis suis et cum servis et ancillis, et omnibus que juris predicte ecclesie esse noscuntur, salvo ecclesiastico jure et reditibus et justiciis que episcopo et archidiacono debentur ; perpetualiter possidendam concedo, tantum remunerationis a pred. patribus obtinens ut mei et fratrum ecclesie mihi commisse in orationibus suis recordentur et in die anniversarii mei, donnique Petri archidiaconi, hujus beneficii cooperatoris, pro salute animarum nostrarum Dominum deprecentur. Si quis vero hanc dationis mee liberalitatem infringere et contra hanc institutionis mee paginam proterve incedere presumpserit, a corpore et sanguinis Ihesu Xristi participatione privetur, et cum Juda traditore, a consortio Angelorum et Dei visione separetur. Et ut hec omnia rata et inconvulsa permaneant, sigilli nostri impressione et probabilium personarum testimonio roborari volui.
S. Lisiardi episcopi. S. Petri archidiaconi. S. Ansculfi archidiaconi : S. Tetbaldi, archidiaconi. S. Johannis capellani. S. Petri decani de Lerniaco377.
Actum Suessionis .
