In nomine sancte et individue Trinitatis, Patris et Filii et Spiritus sancti, amen. Frater Godefridus, gratia Dei, Ambianensis episcopus, omnibus fide et operibus sancte matris Ecclesie filiis p. et f. salutis presentis et pacis continuam prosperitatem, et post transitorie vite excessum, interminabilem jocunditatem. Ortodoxorum patrum traditionibus, canonicisque institutionibus, michi in episcopali offîcio agenti injungitur ut ea que sunt ecclesie cui, auctore Deo, deservio, cum rationabili sollicitudine dispensentur, et ut quibusque ejus ministris, pro suis meritis, dividantur. Hisque cura sollerti distributis, oportet etiam ut provideamus, quantum possibile est, que ad pacem eis existant, autenticisa institutis, firmisque privilegiis ea premuniendo contra mundi turbines ac procellas, que ex insidiis perfidorum emergunt. His itaque offïcio meo et ordini incumbentibus debitis excitatus, cum omni vigilantia procuravi ut que meis temporibus, divina gratia largiente, ex possessionibus ecclesie mee a viris religiosis recollecta fuerant, et ab injusta laicorum pervasione retracta, ejus boni testimonii et religiosi propositi personis, ab ecclesia nostra, nobisque et successoribus nostris jugiter possidenda concederem et, ad repellenda pervasorum jacula, quasi quodam protectionis scuto, muroque inexpugnabili, privilegiis confirmarem. Itaque ecclesie Sti Martini confessoris egregii, in suburbio Parisiensi site, loco qui dicitur in Campis, ecclesiam de Lignigeio276 cum appendiciis ejus perpetualiter possidendam, ego et Ingelrannus noster archidiaconus, et alie Ambianensis ecclesie persone, concessimus ad supplenda necessaria monachorum ibi et in Cluniacensi monasterio Deo militantium. Nichil tamen juvis nostri prisceque potestatis, nobis et successoribus nostris atque ministris in ea inminuentes ; sed, sicut antiquitus propria sedes antecessorum meorum fuerat, ad ordinationes faciendas, et ad crisma, et ad alia quelibet sacramenta ecclesiastica confitienda, ita et modo et perhenniter, monachis id ex debito consentientibus, perseveret sinodalem honorem, et census, et circatas, et alia omnia que ab ecclesiis nostri episcopatus canonice exiguntur, non pro se, sed pro ecclesia de Vi et de Vilereix et pro canonice acquirendis persolvet. Concedimus etiam fratribus ut quicquid in episcopio nostro canonice acquirere poterunt, sibi et ecclesie Cluniensi, salvis honestatibus et utilitatibus predictis ecclesie nostre et ministrorum ejus, indubitanter aquirant ; injustas vero occupationes et criminalium causarum discusiones cleri et populi, canonicis constitutionibus monastico ordini interminatas, nostra sub discusione constituantes. Ut autem hec concessionis confirmatio rata et inviolabilis perseveret, subscripto probationis signo suppleo, ut ad posteritatis testimonium et ad veritatis inditium privilegii hujus suffitiat testamentum.

A Signum Godefridi episcopi.

S. Ingelranni archidiaconi. S. Fulconis archidiaconi. S. Rogeri decani. S. Otberti prepositi. S. Raineri thesaurarii. S. Rogeri cantoris, S. Gisleberti sacerdotis. S. Clari sacerdotis. S. Clari sacerdotis. S. Hugoni[s] sacerdotis. S. Radulfi sacerdotis. S. Balduini sacerdotis. S. Nantaldi diaconi. S. Giraldi diaconi. S. Willelmi et Tescelini diaconorum. S. Warini, Hugonis, Salomon subdiaconorum.

Actum est in ecclesia Ambianensi anno millesimo centesimo IIIIº Dominice Incarnationis, indictione xiiª, rege Francorum Philippo, duce exercitus filio suo Ludovico, consule Ambianensi Ingebranno episcopatus Godefridi anno primo, feliciter. Amen.

Giraldus, Ambianensis ecclesie subdiaconus, vices cancellarii exequens, subscripsit. Datum Ambianis quinto kal. Martii.