Thibaud [d'Heilly], évêque d'Amiens, confirme à Simon [du Lys], prieur d'Airaines, et à ses successeurs les dîmes données au prieuré, ainsi que le quart des prélèvements faits sur le transit des poissons au travers d'Airaines.
- A Original Arch. nat., S 1410, nº 25 ; sceau à demi-brisé.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
- Coll. Duchesne, LXXVII, 80.
In nomine Patris et Filii et Spiritus sancti. Amen.
Theobaldus, Dei miseratione Ambianensis dictus episcopus, dilectis in Domino filiis Symoni priori et fratribus monasterii Sancte Marie de Arenis7 et successoribus eorum eternam in Domino salutem. Quoniam exiguis momentis status rerum humanarum innovatur ut plerumque, aut oblivione intercidat, aut sequens posteritas eciam quod pia devocione antecessorum, Ecclesie De collatum est, distrahere aut omnino alienare contendat, dilecte in Domino fili Symon prior, collectis in unum que monasterio tuo collata a tempore antecessorum tuorum intelligis, vel eciam, te procurante, in jus et proprietatem monasterii tui per elemosinam devenisse recognoscis, ad majorem firmitatem et memoriam perpetuandam, tam nova quam vetera, in unum corpus redigi et a Nobis postulas confirmari. Bonam igitur in hac peticione tua intencionem, et laudabilem erga domum tuam, de providenda suarum rerum stabilitate, sollicitudinem attendentes, possessiones et elemosinas quas monasterium tuum juste et cauonice usque ad hanc diem dinoscitur possedisse, sub ecclesiastica protectione suscipimus, et pontificali a[u]ctoritate confirmamus. En quibus hec propriis duximus nominibus distinguenda : Terciam videlicet partem decime que ad casam pertinet, in territorio de Mesliereschart8, de elemosina Radulfi de Mesliereschart et Guidonis, fratris ejusdem Radulfi et heredis, et Petri et Gosselini filiorum ipsius Guidonis ; cujus rei testes sunt : Galterus presbiter de Meslier, Erluinus presbiter Sancti Dionisii, Theobaldus capellanus Sancte Marie Arensis9, Guido junior de Meslier, Willelmus de Andanis, Benedictus Matons.
De elemosina autem Leonardi de Arenis, concessione domini sui Radulfi de Harenis, a tempore dunni Theoderici10 antecessoris nostre bone recordationis primo facta, et postmodum in morte ipsius Leonardi, concessione filiorum suorum Gebon et Bernardi et domini sui Henrici filii Radulfi, firmata, quartam partem universorum piscium tocius traversi de Arenis, ad usus monachorum. Hujus elemosine testes sunt : Erluinus et Theboldus presbiteri ; Fulco, Aubertus clerici de Arenis ; Hugo de Dunreham11, Guidonisa de Meslier, Robertia Grumet, Radulfia Riconme.
De elemosina Fulconis Guuion de Arenis, concessione domini sui Radulfi de Harenis facta, sextam partem decime tocius territorii de Verresiis8 que ad casam pertinet, assensu filiorum suorum Adam et Radulfi firmata. Cujus rei testes sunt : Ivo decanus de Harenis, Bernardus presbiter de Verresiis8 et Paulus nepos ejus ; Erluinus et Theboldus presbiteri, et Elinandus nepos Theboldi ; Radulfus Gouions et Oilardus frater ejus ; Erenboldus de Metegni7, Fulco prepositus de Verresiis8 et filius ejus Walterius ; Walbertus Matons. Porro in eadem decima sextam partem tercie partis que pertinet ad altare, de elemosina Gebon de Wahenio8.
Hec igitur singulis distincta capitulis et sicut de testimonio probabilium personarum accepimus, quiete possessa, tibi et monasterio tuo perpetuo mansura confirmamus, et, ne ab aliquo hec nostra confirmatio in posterum temere impetatur, interdicimus.
, et recognitum, assistentibus dilectis filiis nostris Ingelranno decano, Radulfo Pontivensi archidiacono, Radulfo Sicco, Theoboldo presbitero de Arenis, Roberto de Cuvelvalle. Data per manum Roberti cancellarii.
