Lettres patentes de Louis VI en faveur de l'abbaye de St-Denis, par lesquelles il interdit notamment d'élever des constructions contre le gré des moines, dans l'espace qui sépare leur bourg de l'église St-Laurent, près du pont de St-Martin-des-Champs. (Faux du xiiie siècle.)
- B Vidimus du xiiie siècle, Arch. nat., K 22 nº 1 (Extrait).
- C Copie du xiiie s., Cartulaire blanc de St-Denis, Arch. nat., LL 1157, fol. 48.
- D Copie du xive s., ms. lat. 5415, fol. iii.
- a Doublet, Antiq. de St-Denis, p. 851.
- b Bréquigny, Ordonnances des rois de France, t. XI, 181-183, d'après a.
- c R. de Lasteyrie, Carlulaire général de Paris, t. I, p. 214, nº 193, d'après B.
- d Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
- Luchaire, Louis VI, nº 315, p. 145.
In nomine Patris et Filii et Spiritus Sancti, Amen. Regiæ dignitatis et officii est, Deum per quem reges regnant, ut Regem regum timere — — Ego igitur Ludovicus, Dei gratia rex Francorum... notum facio præsentibus et posteris quoniam præsentiam nostram adiit Suggerius venerabilis pastor et abbas ecclesiæ beatissimorum Dionysii, Rustici et Eleutherii, humiliter et devote implorans ut pro remedio animæ meæ, conjugis et prolis, et salute prædecessorum meorum, quasdam exactiones et consuetudines opprimentes quas in burgo Sti Dionysii antiquitus obtinueram, a prætaxata villa et ejusdem pertinentiis penitus extirparem et tam ea quæ tempore administrationis ejus, quam ea quæ tempore antecessoris ejus, Deo inspirante, beatis Martyribus contulimus, auctoritatis nostræ præcepto, in præsentia Archiepiscoporum, Episcoporum, et regni nostri Optimatum confirmaremus. Hujus itaque justæ petitioni et piæ devotioni, spe supernæ remunerationis et amore Beati Dionysii gloriosi patroni nostri et cæterorum quos eadem fides et passio confederavit, pie, prout dignum erat, assensum præbuimus, et subscriptas consuetudinum exactiones, quod et in tempore antecessoris ejus, Nos jam fecisse meminimus, omnino in perpetuum condonantes relaxamus, ne videlicet servientes nostri ullatenus exigant, ut annuatim solebant, in præscripto burgo, tempore vindemiarum, in foro piscem, fructum, circellos, conchas et salem et, in pistrino monachorum, panes. — — Et quoniam ipsa eadem ecclesia a tempore Dagoberti... fundatoris... in castro suo per septem septimanas, hanc habet consuetudinem quam vulgo pedagicum sive pulveraticum vocant, per reliquum anni hanc consuetudinem in consuetis locis superaddidimus, ita ut de reda (id est quarreta) duos nummos, de equo i, de asino unum obolum, a commeantibus mercatoribus deinceps persolvenda, nostra liberalitate, abbas et fratres ejusdem loci obtineant, exceptis hominibus Vulcassini et comitis Bellimontis, et pertinentibus ad castrum Montmorenciaci. Præterea mansiones quas, quorumdam ministerialium nostrorum suggestione et consultu, a loco Indicti usque Parisius facere disposueramus, prædicti abbatis precibus imperpetuum fieri, Nostræ Majestatis auctoritate, prohibuimus et prohibemus. Quoniam exinde magnum detrimentum et molestiam gloriosorum martyrum ecclesiæ posteris temporibus accidere posse providimus, interdicimus itaque regiæ Majestatis auctoritate et prohibemus, ne qua mansio vel inhabitatio a prædicto burgo usque ad ecclesiam Sancti Laurentii, quæ sita est prope pontem Sancti Martini de Campis, et ex altera parte stratæ regiæ ab eadem villa Sti Dionysii usque ad alium pontem prope Parisium juxta domum Leprosam, versus etiam Sequanam ab eadem villa Sti Dionysii usque ad Montem Martyrum, a quoquam deinceps fiat, nisi ad jus dictorum martyrum pertineat, excepto Clypiaco quod ex antiquo ad fiscum regium pertinere dinoscitur ; ex altera etiam parte ab eadem villa Sancti Dionysii usque ad regiam stratam quæ ducit ad Luperam. Has, et omnes alias quas in eadem villa habebamus consuetudines, sicut Beato Dionysio in tempore antecessoris ejus, sic et in tempore hujus, confirmamus et reformamus — -a.
Actum Parisiis publice, , Adelaydis reginæ 7. Astantibus in palatio nostro quorum nomina subtitulata sunt et signa : Signum Stephani dapiferi. Signum Gisleberti buticularii. Signum Hugonis constabulariib.
Data per manum Stephani cancellarii.
