Louis VI confirme les biens donnés à l'église de Montmartre et à l'abbaye des femmes qui vient d'être fondée par lui-même, à la prière de la reine Adélaïdea.
- A Original supposé remplaçant un original perdu.
- B Copie du xiiie siècle, Arch. nat., L 1030, nº 21, Cartulaire A de Montmartre, fol. 1.
- C Vidimus de 1507, L 1031.
- D Copie du xvie s., Cartulaire B de Montmartre, Arch. nat., LL 1605, fol. 34-35.
- E Copie collationnée par deux notaires au Châtelet de Paris, le 12 février 1633, Arch. nat., S 1359, nº 29.
- F Copie du xviie s., ms. lat., 11835, fol. 138-140.
- G Copie du xviie s., Arch. nat., S 1359, nº 30, accompagnée de la mention suivante : « E vetere nostro martyrologio manuscripto : Calendis Augusti Depositio domini Ludovici regis Francorum, qui dedit nobis Sanctum Dyonisium de Carcere. Hujus anniversarium fit de redilu domorum. A dicto prioratu dependent, de quibus tamen Reverendus noster Martinianus prior disponit : cura, seu vicaria perpetua SS. Egidii et Lupi (Saint-Leu Saint-Gilles), translata in proximum sacellum S. Symphoriani, ut inferius demonstrabitur ;præbenda in æde primatia Parisiensi. »
- H Copie de 1657, Arch. nat., S 911, nº 40, avec cette mention : « Collatio facta est ad minutam originalem. Signatum : Le Conte. « Collatio facta est ad copiam collationatam, et supra signatam, illico cum presentibus offerendi tradendam, per nos notarios apostolicos Parisienses subsignatos, anno Domini millesimo sexcentesimo quinquagesimo septimo, die vero octava mensis octobris. (Signé) De Bloys. Le Vasseur (avec paraphes). »
- I Copie du xviie s., Arch. nat., LL 1399, pp. 14-16.
- a Marrier, Monasterii S. Martini de C. historia, p. 329.
- b Felibien, Hist. de Paris, III, 61.
- c Gallia christiana nova, VII, Instrum., col. 55.
- d Edouard de Barthélémy, Recueil des chartes de Montmartre, p. 60.
- e Robert de Lasteyrie, Cartulaire général de Paris, nº 225.
- f Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
- Luchaire, Annales de la vie de Louis VI le Gros, nº 536, p. 244.
In nomine sancte et individue Trinitatis, amen. Ego Ludovicus Dei misericordia in regem Francorum sublimatus, notum fieri volumus cunctis fidelibus t. f. q. p. quod, pro remedio anime nostre et predecessorum nostrorum, et prece et consilio Karissime uxoris nostre Adelaidis regine, ecclesiam et abbatiam in monte, qui Mons Martirum appellatur, auctore Deo, construximus, cui videlicet ecclesie et sanctimonialibus ibidem Domino famulantibus hec, que subscripta sunt, in perpetuum habenda et possidenda, de rebus et possessionibus nostris, annuente Ludovico filio nostro jam in regem sublimato, donavimus et concedimus : Villain ante Sanctum Clodoaldum sitam que vocatur Mansionillum, cum omnibus appen diciis suis, vineis et pratis, et nemore ad suos et suorum hominum usus. Molendinum apud Clipiacum cum conclusione aque et molitura totius ville. In civitate Parisius, furnum quem ibi proprium habebamus cum omnibus consuetudinibus. In silva quoque nostra que Vulcenia vocatur, quotidie vehiculaturam unam mortuorum lignorum eis concessimus. Domum preterea Guerrici, et stationes et fenestras ibi constructas, et ejusdem terre vicariam, predictis sanctimonialibus liberam prorsus ab omni consuetudine et quietam, perpetuo habendam dedimus.
Omnibus siquidem innotescere volumus quod Guillelmo Silvanectensi (cujus erat illius terre vicaria) pro eadem vicaria statum unum, inter veteres status carnificum, et fenestras duas alia parte vie, Parisius in commutationem donavimus.
Eisdem insuper monialibus dedimus hospites tres in foro nostro Parisius, prorsus liberos ab omni exactione et quietos. Et terram, quam emi a Theoberto filio Gemardi, que vocatur Puncta, liberam et quietam. Et piscaturam quam Parisius in Secana habebamus. Et terram in insula de Bercilliis, ab omni consuetudine liberam. Apud Chelam, arpenta pratorum decem. In pago Silvanectensi apud Braium, domum unam et vineas quas ibi habebamus, et terram uni carruce sufficientem, ab omni exactione et consuetudine liberam ; ita quod de carruca illa aut de aliis, si plures, Domino donante, carrucas ibidem habuerint, nullam campi partem, nullam consuetudinem unquam tribuant. Dedimus etiam illis in pago Stampensi villam que Tolfolium15 dicitur, cum omnibus appendiciis. In pago Miledunensi nemus, navem ad ligna per Secanam adducenda, ab omni exactione et consuetudine prorsus liberam et quietam. Hospitem quoque unum, ab omni exactione, equitatu, et tallia liberum ; ut annonam eorum a Mileduno usque Parisius per Secanam adducet, eo siquidem pacto ut si eis bene non servierit, mortuusve fuerit, alter ad hoc opus idoneus eis restituatur. In pago Gastinensi mansionillos tres, cum terra et molendino, et ceteris omnibus eorum appendiciis. Quicquid etiam adipisci de feudo nostro poterunt, in perpetuum concedimus. Et Stampis furnum unum, quem in proprium ibi habebamus, cum omnibus consuetudinibus. Apud Pratellam Holdeum, villam quam ibi edificavimus, prorsus liberam, cum omnibus appendiciis. Sub silentio autem preterire non volumus quod pro domo Guerrici quam monachi Bti Martini de Campis in manu sua habebant, et pro ecclesia Montis Martirum quam ipsi possidebant, nos eisdem monachis ecclesiam Beati Dyonisii de Carcere, quam in manu nostra propriam habebamus, cum omnibus ejusdem appendiciis in commutationem donavimus.
Quod ne valeat oblivione deleri, scripto commendavimus, et ne possit a posteris infirmari, sigilli nostri auctoritate, et nominis nostri caractere subterfirmavimus. Actum Parisius in palatio nostro publice, , concedente Ludovico filio nostro jam in regem sublimato, . Astantibus in palatio nostro quorum nomina subtitulata sunt et signa. S. Radulfi Viromanduorum comitiset dapiferi nostri. S. Guillelmi buticularii. S. Hugonis constabularii. S. Hugonis camerarii.
Data per manum Stephani cancellarii.
