Adrianus episcopus servus servorum Dei. Dilecto filio Guillelmo priori Sancte Marie de Gornayo, salutem et apostolicam benedictionem. Que a nobilibus viris piis locis et religiosis personis devotionis intuitu et rationabili providentia conferuntur, in sua volumus stabilitate subsistere et, ne in posterum refragatione pravorum hominum perturbentur, confirmationis nostre munimine roborare. Quocirca, dilecte in Domino fili, tuis justis postulationibus benignum impertientes assensum, donationem quam nobilis vir Galerannus, Melletensis comes, ecclesie cui, Deo authore, preesse dinosceris, rationabiliter contulit, et scripti sui pagina roboravit, nos auctoritate Sedis Apostolice, tibi et per te ipsi ecclesie confirmamus et ratam perpetuis temporibus manere decernimus : videlicet totam redecimationem reddituum suorum de Gornayo, Torcy285, Cauda253, Bray et Villanova tam in annona quam in vino et in nummis ; apud Melletum modium salis, et apud Pontem Audomari v millia harengoruma, decimam quoque reddituum suorum de Parisio de Medunta, ecclesiam et furnum de Cauda253, medietatem duorum molendinorum suorum apud Gornaium et piscatoriam suam in eodem castro. In comitatu Wircestrensi ecclesiam de Halis242 cum terris et decimis et omnibus ad eam pertinentibus. Reliqua etiam beneficia que idem Comes predicte ecclesie pietatis intuitu dignoscitur contulisse. Nulli ergo omnino hominum fas sit ipsam donationem temerario ausu infringere, seu quibuslibet molestiis perturbare. Si quis autem — — se noverit incursurum.

Datum Rome, apud Sanctum Petrum, xviiiº cal. januarii348.