André Le Jeune, bailli du Roi en France, règle, selon la coutume, un différend entre Saint-Nicolas près Senlis et Pierre d'Apremont, chevalier, au sujet du tort que le bétail de ce seigneur faisait aux taillis des moines ; les gardes de Pierre devront prêter serment d'observer le règlement arrêté et le Prieur devra être prévenu des mutations dans leur personnel. Ont collaboré à cet accord : Pierre et Jean Choisel, frères ; Guillaume des Vignes, Gérard de Chaumontel, Colard de Vineuil, Jean de Champagne, chevaliers.
- A Orig. Arch. de l'Oise, II 25823. Sceau à demi brisé.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Andreas Juvenis, baillivus domini Regis in Francia, u. p. l. i. salutem in Domino. Noverint universi quod cum contencio verteretur inter priorem Sancti Nicholai juxta Silvanectum et Petrum de Asperomonte, militem, super eo quod dictus prior dicebat quod dictus Petrus, miles, mittebat sua animalia in taillicia sua, in dicti prioris dedecus et gravamen ; dictus vero P. miles, fidem suam in manu nostra dedit corporalem, quod animalia dicti P. militis, quecumque sint, dampnum non facient in bosco dicti prioris, sive suis tailliciis, sive terris suis, sive suis pasturis, pro posse suo ; et si forte contigerit quod animalia dicti P. militis invenirentur in tailliciis et forefactis dicti Prioris, per se vel per alium non erunt recoussa ; et si dictus Petrus vel alius recousserint, dictus P. miles domino Regi emendabit, et dicto priori, secundum consuetudinem patrie. Et si vero non recoussa fuerint, nichilominus dicto priori emendabit ; et quotiencumque dictus Petrus suos servientes mutabit, scire faciet dicto Priori ; et dictus Prior debet ire, vel loco sui mittere, apud Asperummontem, et illi servientes quos dictus P. statuet, debent jurare, in presencia dictis Prioris, seu ejus mandati, vel fidem dare corporalem, quod de cetero dampnum non facient in tailliciis seu rebus dicti prioris. Hiis autem pactionibus interfuerunt Petrus et Johannes Choisel, fratres, Guillelmus de Vineis, Gerardus de Chaumontel, Colardus de Vinolio et Johannes de Campaniis, milites. In cujus rei testimonium presentes litteras sigilli nostri impressione fecimus communiri.
.
