Barthélemi, doyen du chapitre de Paris, promulgue un règlement concernant la prébende affectée à St-Martin-des-Champs, d'accord avec l'évêque Thibaud et le prieur Eudes II.
- A Original perdu.
- B Copie du xiiie s., Grand Pastoral, Arch. nat., LL 175, fol. 641.
- C Vidimus de 1296, jadis conservé aux Archives de St-Martin-des-Champs.
- D Copie du xvie s., Arch. nat., LL 1353, fol. 177, d'après A.
- a Marrier, Monasterii S. Martini de Campis historia, pp. 426-428.
- b Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
- R. de Lasteyrie, Cartulaire général de Paris, p. 298, nº 323.
Ego Bartholomeus, Dei gratia Parisiensis ecclesie Beate scilicet Marie vocatus decanus, et ceteri ejusdem ecclesie canonici, notum fieri volumus tam posteris quam presentibus quod monachi Sti Martini de Campis in nostra Beate Marie seniori ecclesia, ex dono domni Theobaldi, Parisiensis episcopi, et nostro prebendam unam habent, et vicarium unum sacerdotem pro eadem prebenda in servitium ecclesie assidue deputatum. Et quia justum est ut qui ecclesie serviunt, de ecclesia vivant, in primis communi totius capituli nostria consilio, simul etiam consilio et laude jamdicti presulis Theobaldi, quod etiam domnus Odo prior et monachi Sancti Martini concesserunt, statutum est ut pred. vicarius pro servitio quod facit, de redditibus prebende per singulos annos xx. solidos accipiat, panem quoque et vinum Quadragesime ; ita scilicet ut infra ebdomadam singulis diebus panem solummodo unum et dimidium sextarium vini, et in dominica duos panes et sextarium vini habeat (nisi infra pred. mensuram propter vini penuriam, mensura minor a Capitulo fuerit ordinata), et non solum in Quadragesima hoc habebit, sed etiam a dominica que est , si tantum distributio panis et vini durare potuerit. Si autem distributio illa panis et vini ultra pred. terminum duraverit, vel etiam infra terminum duplicata vel aliquo modo aucta fuerit, quicquid supra id quod determinatum est additum fuerit, totum monachorum erit. Stationes vero etb antiphonas, et vinumc libertatum habebit vicarius. Adjunctum est etiam quod quando processio ad Indictum vel ad Fossatensem ecclesiam vadit, si tunc charitas xii. denariorum facta fuerit, habebit eam vicarius. Si autem charitas ultra xii. denarios erit, habebunt ipsi eam monachi. Nullam omnino aliam charitatem, nisi illam que determinata est, habebit vicarius. Sciendum vero est quod ecclesia Bti Martini, que in nostra ecclesia prebendam habet, nullum omnino aliud servitium in eadem ecclesia nostra per se facere debet, nisi hoc tantum quod, in septimana sancti Martini, missam majorem cantat monachus, missam vero matutinalem et totum ex integro aliud servitium vicarius facere habet. Quod si pred. vicarius in reddendo debito servitio negligens fuerit, et per negligentiam suam aliquid scandalum aut servitii defectus contigerit, ad Capitulum nostrum spectabit correctio, ita quod ecclesie Bti Martini nihil omnino poterit imputari. Hanc autem reddituum assignationem, que vicario Sti Martini pro prebenda cui deservit, nostro et monachorum communi consilio constituta est, ita in perpetuum haberi ratam decernimus, ut eam nullatenus nostris successoribus ad gravamen monachorum Sancti Martini liceat immutare. Quod ne valeat oblivione deleri, scripto commendavimus et, ne possit a posteris infirmari, sigilli nostri impressione et nominum nostrorum subscriptione firmavimus.
Signum Bartholomei decani. S. Alberti precentoris. S. Stephani archidiaconi. S. Bernardi archidiaconi. S. Ivonis archidiaconi. S. Gauterii presbiteri. S. Odonis presbiteri. S. Clementis presbiteri. S. magistri Simonis diaconi. S. Herluini diaconi. S. Goslini diaconi. S. Hervei subdiaconi. S. Durandi subdiaconi. S. Philippi pueri, fratris Regis. S. Petri pueri. S. Hilduini pueri.
Actum publice Parisius, in capitulo Bte Marie, .
