Adam, archidiacre de Paris ; et Robert [de Courcon], chanoine de Noyon, commissaires apostoliques institués en France par le pape Innocent III pour juger les affaires des Croisés, homologuent une transaction intervenue devant le délégué royal, Guillaume Pasté, entre Saint-Martin-des-Champs et Dreux de Pantin, réclamant des propriétés qu'il disait lui avoir été enlevées au moyen d'un contrat imposé par la crainte. Dreux, conservant sa maison et sa vigne, renonce au reste de son bien.
- A Original perdu.
- B Copie de 1209, Arch. nat., LL 1351, fol. 103, non collationnée.
- C Copie du xve s., Arch. nat., LL 1352, fol. 106,
- D Copie du xvie s., Arch. nat., LL 1353, fol. 128.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
O. p. l. i. A[dam], archidiaconus Parisiensis, et magister Robertus, canonicus Noviomensis310, salutem in Domino. Notum facimus universis quod, cum super causis Crucesignatorum a domno Papa Innocentio IIIº essemus in Francia judices delegati, coram nobis agitata est talis questio inter Drogonem de Pantin71 et ecclesiam Sancti Martini de Campis : Petebat siquidem idem Drogo quasdam possessiones quas tenebat a Sancto Martino, dicens eas sibi per metum ablatas a Priore et monachis Sancti Martini. E contra pars Sancti Martini proposuit quod, ex causa transactionis, possessiones ille pervenerant ad ecclesiam Sancti Martini, et fuerat illa compositio amicabilis, interposita fide, firmata et recognita coram judice delegato a Domino rege, scilicet domino Willelmo Paste. Insuper tam compositio quam recognitio illa facta fuerat spontanea voluntate. Tenor autem compositionis facte inter eos talis est : Siquidem Prior et ecclesia Sancti Martini de Campis remisit Drogoni questionem tocius juris si quid habuit in eo et in coheredibus suis pro tota terra sua, quam quietam clamavit idem ecclesie Sancti Martini, retentis [t]amen domo sua et vinea. Et super hiis et aliis que ad hoc negocium pertinebant lite contestata, datis legitimis indutiis, testes hinc inde recepti fuerunt, et attestationibus sollempniter publicatis, fuit coram nobis a partibus disputatum, et ex utraque parte reddite sunt nobis allegationes in scriptis et instrumentis, quedam introducta fuerunt, testes contra testes recepimus, sicut in atestationibus ipsis apparet. Tandem deliberavimus cum sapientibus viris et in jure peritis, de quorum consilio, visis et intellectis rationibus utriusque partis, statuimus et firmavimus pacem illam que facta fuerat inter Drogonem et ecclesiam Sancti Martini firmiter et imperpetuum inconcusse debere servari. Ita quod nichil contra eam ab alterutra parte de cetero peti possit ; et absolvimus ecclesiam Sancti Martini a predicta petitione Drogonis, qua petiit possessiones predictas. Ut autem hec omnia firma et illibata serventur, et ad perpetuam hujus rei memoriam, has litteras nostras super his fieri fecimus, et sigillis nostris roboravimus.
Actum .
