Guillaume III, évêque de Paris, constate qu'Evrard, chambrier de Saint-Martin-des-Champs, a été choisi pour arbitre par son couvent et par noble homme Simon [le Jeune], chevalier de Poissy, avec le chevalier Gui de Villennes pour juges d'un différend concernant les bois de Marolles-en-Brie.
- A Original perdu.
- B Copie fautive, d'après l'original endommagé ou illisible, coté vii. Arch. de Seine-et-Oise, A 1110, fol. 5-7.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Guillelmus, permissione divina Parisiensis ecclesie minister indignus, u. p. l. i. salutem in Domino. Notum facimus quod cum inter viros religiosos Priorem et conventum Sancti Martini de Campis Paris., ex una parte, et nobilem virum Symonem de Pissiaco, ex altera, controversia verteretur, super hoc videlicet quod dictus Symon miles in nemore Sancti Martini de Campis apud Marrolias33 site dicit se usuarium habere ad edificandum et comburendum et quod, sine assensu ipsius militis, nemus illud vendi non potest, dictis Priore et conventu dicentibus ex adverso, dictum S. militem, necnon et heredes Bovranna82 nichil juris penitus habere in nemore supradicto ; tandem dicte partes, in nostra presencia constitute, compromiserunt in arbitros super controversia memorata, videlicet in fratrem Evrarduma, clericum, camerarium Sancti Martini de Campis, arbitrum electum ex parte dictorum Prioris et conventus, et in Guidonem de Villeniis83 militem, arbitrum electum ex parte dicti Symonis de Pissiaco militis, promittentes hinc inde, sub pena centum librarum paris., ab illa parte que ab arbitro resiliret solvendarum parti alteri, arbitrium observanti, quod inviolabiliter observabunt, quidquid dicti arbitri super jamdicta controversia pace vel judicio suo dixerint, arbitrio et statuendum infra crastinum instantis Ascensionis Domini, de qua siquidem pena, si committeretur ex parte dicti Symonis, constituerunt se fidejussores, fide data in manu nostra, Symon de Pissiaco pater dicti Symonis, et Rogerius de Villandrieb, milites. Ex parte vero dictorum Prioris et conventus, debent nobis tradi litere, sigillo capituli Sancti Martini sigillate. 1
In cujus rei testimonium presentes litteras, ad peticionem partium, fecimus sigilli nostri munimine roborari.
.
