Galon, évêque de Paris, confirme la donation de la « villa » d'Aulnay par Galeran le Villepreux à St-Martin, avec l'adhésion du comte Robert Ier de Meulan et des Seigneurs du Puiset, qui tenaient en fief cette terre de l'Église de Paris.
- A Original Arch. nat., K 21, 113, ancien S 13271.
- B Copie de 1129, Bibl. nat. de Fr., ms. lat. 10977, Liber Testamentorum, fol. 70, nº 107.
- C Copie du xiie siècle, Liber Testamentorum, fol. 56, nº 120 (incomplète des notes chronologiques).
- D Copie de 1209, Arch. nat., LL 1351, fol. 38, collalionnée et complétée, avec cette note : Visa et collata fuit presens carta ad suum autographum, cui adfixum est sigillum oblongum, spissitudinis duorum digitorum, quodque vetus œnum redolet admodum, in quo figura stantis pontificis cum his verbis : SIGILLUM GUALONIS PARISIENSIS EPI.
- E Copie du xve s., Arch. nat., LL 1352, fol. 38.
- F Copie du xvie s., Arch. nat., LL 1353, fol. 38.
- G Copie coll. par Afforty, Coll. Moreau, XLIII, 173.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
In nomine sancte et individue Trinitatis. Quoniam juxta Apostolicum, « qui manet in caritate, in Domino manet, et Deus in eo ", necessarium est confratrum nostrorum necessitatibus nos condescendere, et aurem misericordie necessaria petentibus misericorditer aperire, ut per matrem omnium virtutum Caritatem, templum Dei, vas electionis efficiamur, et in die districti examinis, si misericordes hic fuerimus, Deum nobis misericordem ac propitium invenire mereamur. Scriptum est enim : " Beati misericordes, quoniam ipsi misericordiam consequentur ». Ego igitur Gualo, Dei gratia Parisiorurn episcopus310, misericordia quidem motus, caritatis que non agit perperam, igne accensus, quamdam terram que vocaturAlnetum ecclesie Sti Martini de Campis, concordi quidem canonicorum nostrorum assensu, jure perpetuo habendam concessi : salvis quidem consuetudinibus quas Parisiensis episcopus in terram illam habebat, tempore Gualeranni de Villaperor qui pred. villam possidebat. Huic autem dono Robertus comes de Mellento, qui terram illam a nobis in feodum habebat ; Guido etiam de Puteaco et Gualerannus frater ejus ; Hugo quoque filius Evrardi de Puteago ad quem pertinebat hereditas illius feodi ; isti, inquam, omnes legitimum assensum prebuerunt ; ita scilicet ut ecclesia Sti Martini terram illam possideret sicut predictus Gualerannus possidebat, eo die quo donum istud factum est.
Facta est autem hec concessio et hoc donum hac conditione ut, salvo in omnibus jure et consuetudine Parisiensis episcopi, neque hospites nostri neque res eorum contra voluntatem nostram vel successorum nostrorum in predictam terram recipiantur. Diffinitum est etiam et omnino concessum ut quandocunque aut ego aut quilibet successor noster, Parisiensis episcopus, centum libras monete ad medietatem prefate ecclesie Sti Martini inpenderet, eadem ecclesia vel nobis, vel successoribus nostris medietatem pred. terre et omnium ad illam pertinentium ex integro habendam, concederet ; ea videlicet conditione ut denominata pecunia de rebus quidem episcopi propriis vel sibi commodatis, traderetur, et nulla alia persona, quasi sub nomine episcopi, ad possidendam terram illam admitteretur. Determinatum est etiam ut postquam medietas illa in dominium episcopi deveniret, neque episcopus absque priore Sti Martini, neque ille absque assensu episcopi, vel talliam, aut aliquem alium questum a predicta terra exigeret.
Ut autem hec concessio et conditio perpetue stabilitatis muniantur privilegio, presentem cartam fieri decrevimus, et in testimonium veritatis figuris nominum nostrorum illam signavimus.
† Signum Gualonis episcopi. S. Berneri decani. S. Ade precentoris. S. Guilelmi archidiaconi. S. Stephani archidiaconi. S. Rainaldi archidiaconi. S. Duranni presbiteri. S. Alexandri presbiteri. S. Landonis presbiteri. S. Fulconis levite. S. Hilduini levite. S. Guineranni levite. S. Fulberti subdiaconi. S. Guidonissubd. S. Robertisubd.
Actum publice Parisius in capitulo Bte Marie .
Girbertus cancellarius subscripsit.
