Maurice, évêque de Paris, constate l'accord intervenu entre les moines de Gournay-sur-Marne et les Génovéfains de Montjay et de Pomponne au sujet de dîmes et de droits paroissiaux.
- A Original perdu.
- B Copie de 1223, Arch. nat., LL 1397, fol. 15'-16, non collationnée.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Ego Mauricius Dei gracia Parisiorum episcopus, noticie futurorum per hanc cartam commendo transactionem factam inter monachos Ste Marie de Gornaio et canonicos Sti Xristofori de Montegayo et de Ponponia449, super jure parrochiali et decimationum, unde controversia pridem orta et in presentia nostra diu ventilata, tandem pari assensu hoc fine, me laudante et concedente, terminata est :
Ad ecclesiam de Montegaio ea castri pars que presenti murorum ambitu continetur, in perpetuum jure parrochiali deinceps pertinere dinoscitur eademque ecclesia, que usque ad hec tempora cimeterii jus non habuerat, amodo habere permittitur. Ea vero castri pars que extra presentem muri circuitum repperitur, ecclesie de Oratorio, jure parrochiali integre et illibate accessit, eo dumtaxat excepto ut ambitus curtis canonicorum qui extra murum invenitur, de Oratorio jure parrochiali subjaceat nullatenus, set ad eam, que extra muros est, partem eodem jure cum ipsa pariter censeatur. Viculum quoque que vulgo Bordellos450 dicunt, ecclesia de Ponponia ecclesie de Oratorio jure parrochiali habendum concessit. Super decimis autem in hunc transegerunt modum, ut tam majores quam minores decime tam ab hiis qui intra murum quam ab hiis qui extra murum in eodem castro habitant, ab ipsis etiam canonicis necnon de novalibus, nullo obstante privilegio, ecclesie de Oratorio que monachorum Ste Marie de Gornaio est, persolvantur. Quod tamen eatenus restringitur, ut canonici ea que in presenti intra sue occupationis fines clauduntur, ortum videlicet et virgultum, libera ab omni decimatione possideant, sed de nutritura animalium suorum decimas jure perhenni prestent. In suma illud advertendum est, quod canonici de Ponponia et de Montegaii, si que eis in parrochia Oratorii decimarum jure debebantur, hiis omnibus renunciaverunt, et monachis de Gornaio habenda concesserunt ; excepta tamen possessione quam clausum Morini vocant, de qua tunc non dubitabatur quin ejus decimationes ad ecclesiam de Ponponia, sicut antiquis retro temporibus pertinuerant, ita quoque pertinere deberent in futurum. Verum ut hec omnia rata sint et firma, presentem cartam auctoritate sigilli nostri corroborari precepimus
Actum puplice Parisius, , testibus qui interfuerunt subnotatis : Wermundus archidiaconus. Walterus capellanus. Ascelinus, decanus Sti MarcelliMarcellus canonicus. Teobaldus. Magister Petrus, decanus Sti Germani416. Magister Adam Walensis.
