Renaud III [de Corbeil], évêque de Paris, termine par un arbitrage tous les différends entre le Chapitre de Saint-Honoré et le prieuré de Saint-Martin concernant les dîmes de Noisy-le-Grand. (Extrait.)
- A Original jadis scellé, Arch. nat., L 896, nº 83.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
U. p. l. i. Reginaldus, divina permissione Parisiensis ecclesie minister indignus, salutem in Domino. Notum facimus quod, cum dudum esset contentio inter religiosos viros Priorem et conventum Sti Martini de Campis Par., ex una parte, et Cantorem et Capitulum Sti Honorati Par., ex altera, dictis Priore et conventu asserentibus quod, cum ad ipsos, ratione ecclesie sue, majores et minores decime de prediis et possessionibus sitis infra metas parrochie de Noisiacho Magno super Maternam1, in qua idem Prior et conventus jus patronatus obtinent, pertinerent, idem Cantor et Capitulum de quibusdam prediis infra metas dicte parrochie sitis per decem annos perceperant, et adhuc percipere presumebant decimas minus juste, in ipsorum Prioris et conventus et ecclesie sue non modicum prejudicium et gravamen, et ideo petentibus eosdem Cantorem et Capitulum ad reddendum sibi, nomine dicte et ecclesie sue, fructus de dictis decimis per dictum tempus perceptos, si estarent, vel si non estarent eorum estimationem ad arbitrium boni viri compelli, necnon et ad desistendum a perceptione decimarum in futurum ; supradictis vero Cantore et Capitulo ex adverso dicentibus quod ipsi, infra metas dicte parrochie, tenebant et percipiebant et justo titulo possidebant in decima de Noisiaco Magno et de Villaribus1 tam in vino et grano quam palea, ac rebus aliis, tantum quantum presbiter de Noisiaco Magno, et solum de prediis de quibus idem presbiter portionem suam hactenus percipere consuevit una cum tractu et omni dominio et omni jure quod in dicta portione olim habuerunt dominus Johannes dictus Mostier, de Veteri Corboilo, miles, et Beatrix uxor sua, eo quod ipsam portionem decimarum ab eodem milite et dicta B. uxore sua pro sexcies viginti libris paris., emerant — — Demum post multas altercationes — — in hunc modum amicabilis compositio intervenit, quod sepe dicti Cantor et Capitulum dictas sexcies viginti libras ab eisdem Priore et conventu receperunt, et pro ipsis eisdem — — concesserunt et in eos transtulerunt quicquid dominii, possessionis et juris cujuslibet habebant vel habere poterant — — in decima supradicta — —
.
