A tous — — Renaut Barbou, gendre de la prevosté de Paris, salut. Nous fesons asavoir que pardevant nous vindrent Pierre d'Ennet, escuier, et madame Isabel de Thoregni100 por lui et por ses enfanz, et requennurent en droit qu'il avoient vendu, baillié et quitté et otroié a touz jors a religieus hommes et honnestes, au priéeur et au couvant de Saint Martin des Chans de Paris les chosses ci dessous nommées. C'est asavoir toutes les dismes qui viennent, ou souloient venir et devoient, en la granche dimerese d'Annet soit en terres, soit en vingnes, soit en cortillages et en toutes autres choses qui doivent disme, que il tiennent en fié si comme ils dicent, deudit priéeur — — por sis muis de grein à la mesure et à la mine coursable d'Annet : c'est asavoir deux muis de blé yvernage, sain et sec et moitoien, creu de l'ennée, et deus muis d'avoine marchéande creue de l'ennée, et un mui d'orge marcheant — — et un muis de feves — — et trois tresiaus de vin au mui de Danmaart, de mere goute, creu es vingnes de Chamfort. Et se la disme de vin de Chamfort ne pooit fornir, l'en li parferoit ces trois tresiaux de vin deu Val de Mesieres ; — et trois tresiaux de vin de presurage pris et receus en la prieurté d'Annet — — les devanz diz priéeur et le couvant ont quité a touz jourz aus dis Pierre et madame Ysabel et a ses enfanz et à leurs hoirs toute la droiture qu'il avoient en la granche dimeresse d'Annet sauf leur fié et leur justices, et sauf aus hoirs damoiselle Jehanne, jadis fame feu Gui de Neelle, le tierz d'icelle granche qui obligiez estoit et est à l'iglise St Martin de lenr devancierz par gagiere, quant au tierz fonz d'icelle granche — — — La devant dite dame promist que quant Jehannont, Guiout et Jehannete, enfanz de ladite dame et de feu Raoul d'Annet, freres jadis deudit Pierre, vendront en aaige, que elle fera et proucura que il voudront et loouront et octroieront la vente et le baill et l'outroy desus diz — —

L'an de l'Incarnation Nostre Seingneur mil CC et soixante et quatorze, au mois de novembre.