Thierri, évêque d'Amiens, confirme aux moines de St-Martin l'église St-Gervais d'Encre, à eux donnée, sous son devancier Guérin, par Hugues III Candavène ; à la mort de celui-ci, ses fils Anseau, Enguerran II et Gui, ont d'abord retenu les prébendes injustement ; mais ils les ont restituées, et l'évêque en réinvestit St-Martin-des-Champs. Il est établi que les desservants ou chapelains n'ont aucun droit sur ces prébendes.
- A Original perdu.
- B1 et B2 Copies de 1209, Arch. nat., LL 1351, l'une, fol. 84, omettant la date, et l'autre, fol. 84', omettant l'alinéa entre crochets ; non collationnées.
- C1 et C2 Copies du xves., LL 1352, fol. 83 et 83'.
- D1 et D2 Copies du xvies., LL 1353, fol. 97', d'après B et B2 respectivement.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
In nomine Patris et Filii et Spiritus sancti. Amen. Ego Theodericus, Dei gratia Ambianensis episcopus, tam presentibus quam futuris in Xristo fidelibus in perpetuum. Ad pastoralem sollicitudinem specialiter pertinet, jus ecclesiasticum a malis et importunis hominibus liberare, et cum extraordinarie libertas Ecclesie ducitur, in quantum prevalet, ad ordinis lineam reducere ; et quoniam lilterarum visa est preteritorum vel absentium facta posteris presencia facere, et omnem ambiguitatis notam vel controversie questionem de medio auferre ; quo ordine ecclesia Sancti Gervasii de Encra, cum omnibus ad eam pertinentibus, a tempore domni Guarini, predecessoris nostri, de dono Hugonis Candavene161, et postea ex dono et concessione Anselli, filii ejus, per manum nostram in jus et possessionem Sancti Martini de Campis devenerit, litteris decrevirnus adnotare. Siquidem predictus Hugo Candavena, religiosorum virorum consiliis adquiescens, et culpam suam recognoscens, canonicas Sancti Gervasii de Encra quas, contra canonum instituta, jure hereditario usurpaverat, et diu, per pecatum suum, tunuerat, in manus domni Guarini predecessoris nostri reddidit et, ut eas monasterio Sancti Martini de Campis redderet, postulavit. Nostris vero temporibus, post decessum predicti Hugonis, Ansellus, Ingelrannus et Guido filii ejus, predictas canonicas cum tamen eas in primis retinere attentarent, in manus nostras reddiderunt et in predicta ecclesia de Encra vel prebendis se nichil amplius reclamaturos, sub fide et sacramento promiserunt. Nos igitur ecclesiam Sancti Gervasii, cum omnibus ad illam pertinentibus, et canonicas pretaxatas a manu laica, per Dei gratiam, liberatas monasterio Sancti Martini de Campis perpetuo jure possidendas, salvo episcopali jure, contradimus et confirmamus ; et defunctis canonicis qui impresentiarum locum ipsum obtinent, ne alii canonici aliquo modo ibidem subrogentur, penitus probibemus.
[Sed, ne forte presbiterorum parrochialium prebendas successores eorum ad jus presbiterii pertinere confingant, quoniam aliquando capellani fuerint illi simul et canonici, determinamus expresse quod nichil penitus in prebendis, ex jure presbiterii, debeant habere capellani, quicumque successuri sunt. Hoc autem satis ipsius rei demonstrat evidentia, cum unus ex predictis, Wuido scilicet, priusquam canonicus foret, jam aliquotannis capellanus extiterit. Si enim essent prebende de jure parrochiali, ex quo capellanus fuit, utique simul et canonicus fuisset. Ut igitur litis et calumpnie precidatur omnis occasio, statuimus ut, post decessum capellanorum qui nunc sunt, prebende ipsorum irremissibiliter in possessionem et usum transeant monachorum].
Ne igitur rei hujus a memoria hominum excidat sed ut, decurrente tempore per etates, et ipsa decurrat, ad monumentum pretaxati monasterii presens scriptum fecimus et sigillo nostro communimus, et, ne ab aliqua ecclesiastica vel seculari persona hec nostra confirmatio ausu temerario impetatur, sub anathemate interdicimus et ipsum scriptum personarum nostrarum et eorum qui huic donationi interfuerunt subscriptionibus roboramusb.
Actum quinto clecimo .
