Manassé II, évêque de Meaux, constate les libéralités faites à St-Martin du Vieux-Crécy, par les frères Arnoul, Hugues et Jean de la Chapelle.
- A Original, Arch. nat., L 876, nº 54 ; Sceau perdu.
- B Copie de 1209, Arch. nat., LL 1352, fol. 61', non collationnée.
- C Copie du xve siècle, Arch. nat., LL 1352, fol. 61.
- D Copie du xvie s., Arch. nat., LL 1353, fol. 66.
- a Toussaint du Plessis, Histoire de l'Église de Meaux, t. II, Pièces just., nº lxvi, p. 40.
- b Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
- Gallia christiana nova, VIII, 1614.
In nomine sancte et individue Trinitatis, Manasses, Dei gratia, Meldensis ecclesie humilis minister, ecclesie Bti Martini de Campis et ecclesie de Veteri Creceio, imperpetuum.
Pontificalis est officii nostri ecclesiis Dei nobis commissis sua jura servare, et tam hutilitati quam quieti earum in posterum providere. Noverint igitur universi ad quorum notitiam littere iste pervenerint, Arnulfum et Hugonem de Capella228 atque Johannem, fratres, Dei amore et animarum suarum predecessorumque salute, omnes minutas decimas suas, preter decimam lini et canabi, et insuper omnem redecimationem tam decimarum quam omnium annonarum suarum, atque vini, ecclesie Bti Martini de Veteri Creceio, assensu et concessione matris eorum et omnium filiorum, fîliarumque suarum, per manum nostram dedisse. Insuper etiam, assensu eorumdem, prefatus Johannes, ex propria parte sua, Deo dedit et supradicte ecclesie de Veteri Creceio, unum modium frumenti in communibus decimis singulis annis habendum ; et tam ipse quam Hugo frater ejus, data fide in manu nostra, firmaverunt idipsum firmiter observaturos et contra omnes calumpnias tutelam atque protectionem se esse laturos ; Arnulfo eorum majore fratre etiam hoc laudante. Et si, quod absit, minime observarent, sine ulla declamatione et submonitione sese anathemati subjacere concesserunt. Hujus rei testes sunt : Helias abbas Cagiensis229, Hugo decanus, Teobaudus archidiaconus, Stephanus cantor ; Guibaudus de Puteo, Gaucherius Rufus de Collegiaco230, Odo filius Arnulfi, monachi de Creceio.
Actum est hoc et recognitum Meldis in presentia nostra, . Si quis vero, quod absit, huic dono contraire presumpserit, Dei auctoritate et ligandi atque solvendi ab eo nobis concessa potestate, anathema sit.
