Hervé [de Montmorency], doyen de Paris, s'accorde, au nom de Chapitre, avec Saint-Martin-des-Champs, au sujet de la dîme des novales à prendre sur les bois situés à l'entour du château d'Ecouen.
- A Original Arch. nat., L 876, nº 81, portant les sceaux du Doyen et du Chapitre.
- B Copie de 1209, Arch. nat., LL 1351, fol. 91, collationnée sur A et complétée au xviie siècle.
- C Copie du xve s., Arch. nat., LL 1352, fol. 90.
- D Copie du xvie s., Arch. nat., LL 1353, fol. 108'
- E Copie du xviie s., ms. lat. 15504, fol. 68 ; toutes trois incomplètes.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Ego Herveus, Parisiensis ecclesie decanus, et totum Capitulum Beate Marie, notum facimus p. et f. quod, cum quadam discordia jampridem orta fuisset inter me et monachos Sti Martini de Campis super decima quarundam novalium, in nemore quod Eschumeis dicitur noviter factarum, monachi pro bono pacis v modios annone annuatim se daturos promiserunt, expensis eorum in meum horreum advehendos. Sed ego postea decimam novalium cujusdam alterius nemoris quod Trouseres dicitur, occupavi, licet utraque predictarum decimarum in decimatione monachorum et in suo parrochiagio de Eschuem60 sita esset. Cumque a monachis obiceretur quod contra predictam opositionem venire viderer, ego eos equivocatione hujus nominis Eschomeis deceptos aiebam, eo quod ipsi de omnibus nemoribus qui circa castrum Escoem sunt, ego vero de nemore qui proprio nomine et specialiter Eschomeis appellatur, transactum fuisse dicerem. Tandem igitur de prudentium virorum consilio, hujusmodi ambiguitatem volens amputare, tam predictos v modios quam totam aliam decimam terrarum et omnium novalium que in parrochiagio de Eschoem sunt, vel deinceps fieri possunt in nemoribus ad illam parrochiam pertinentibus, in capitulo Sti Martini monachis quietam dimisi et in manu Prioris guerpivi. Prior vero et conventus Sti Martini terciam partem tocius decime de Escoem mihi concesserunt, quandiu Parisiensem prebendam tenuero, possidendam ; tali condicione quod ipsa decima, cum ipsam dimisero, integre et quiete ad ecclesiam Sti Martini revertetur. Quod ne aliqua malignantium attemptatione corrumpi queat in posterum, presentem cartam sigillo capituli et sigillo meo, cum testium subscriptione, duximus muniendam.
Signum Hervei decani. Signum Petri precentorisa. S. Mauricii archidiaconi. S. Osmundi archidiaconi. S. Girardi archidiaconi. S. Petri capellani. S. Stephani sacerdotis. S. Galonis succentoris. S. Michael sacerdotis. S. Symonis diaconi. S. magistri Petri diaconi. S. Willelmi de Sangto Dyonisio diaconi. S. Ade subdiaconi. S. Bosonis subdiaconi. S. Bartolomei subdiaconi. S. Haimerici pueri. S. Philippi pueri.
Datum per manum magistri Hilduini cancellariib
