Simon III de Montfort, comte d'Évreux, confirme la donation de la terre de la Couperie, à Beynes, aumônée à Saint-Martin par son père Amauri III.
- A Original avec grand sceau équestre, brisé, Arch. nat., S 1343, nº 2.
- B Copie de 1209, Arch. nat., LL 1351, fol. 106', collat. et complétée sur A. Ce cartulaire contient (fol. 106) une autre édition de la même pièce avec les mêmes souscriptions, identique à celle-ci, sauf le passage entre crochets, d'après une falsification du début du xiiie siècle (Arch. nat., S 1343, nº 18).
- C Copies du xves. des deux pièces, Arch. nat., LL 1352, fol. 110-111.
- D Copies du xvies. des deux pièces, Arch. nat., LL 1353, fol. 133-133'.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
In nomine sancte et individue Trinitatis. Ego Symon comes Ebroicensis283 notum facio t. p. q. f. quod felicis memorie comes Amalricus, pater meus, interventu domini Hugonis de Creceio, ecclesie Sti Martini de Campis dedit in elemosinam villam que dicitur Cuperia283, cum nemore circumposito quod vulgo Plessetum dicitur, et terra arabili, excepto feodo quod Odo major et frater ejus de me tenent ; exceptis etiam corveiis meis et equitatuum meorum submonitionibus. Hoc itaque donum patris mei ratum habui, et ut futuris temporibus inconcussam et inviolabilem firmitatem debeat optinere, assensum meum adhibendo laudavi. Sed quoniam de terminis prefati nemoris fuerat orta contentio, prius acceptis hominum circummanentium probationibus legitimis, illud certis limitibus et metis designari feci, et ipsum ecclesie memorate possidendum cum hac immunitate et libertate concessi, ut nullus hominum meorum intra terminos ejusdem nemoris custodiam nec capturam, nec ullum omnino dominium usurpare presumat ; ut etiam monachis liceat in ipso nemore novos hospites constituere, et idem non solum ad usum proprium assumere, sed et hospitibus suis tantum ad edificandum concedere, [hoc retento ut nemus neque vendi nec extra terminos predicte ville dari possit. Quod si nemus vastari et extra dari contigerit, quod tamen testimonio hominum meorum et evidentibus indiciis monstrari possit, hospitarius Sti Martini mihi super hoc respondebit, et lege sua emendabit : et si quis hospitario de nemore violentiam intulerit, et hospitarius mihi clamorem fecerit, emendari faciam, et emendatio mea erit.] Quod ut ratum et inconvulsum permaneat, scripto presenti cum sigilli mei impressione et testium subnotatione firmavi. Hec sunt nomina testium : Alelmus prior283, Aigulfus prior de Cresperiis210,a Andreas hospitarius, Fulco capellanus, Gaufredus de Marc, Winemerus de Benna, Odo Agoland, Robertus de Salmarches283, Nivardus de Vinoliis, Radulfus prepositus de Benna283, Bertelaüs, Berengarius de Gambes283, Amalricus Calvez, Odo major, Burnellus, Balduinus, Symon de Benna283, Symon miles, Ogerus de Vinoliis.
