Extitit causa quod beata memoria tertius Eugenius transalpinaret in Galliam, a quo indicto concilio Remis301 illud honorificentissime percelebratum est. Interea Suessionensis ecclesie Beati Medardi, pastore suo de medio facto, qui suscitaret semen defuncti alterius electionem domini Papæ imposuit voluntati. Dominabatur in hac ecclesia Marchianensi tunc temporis vir perhonestus et matura persona, dudum prior Corbeie, Ingrannus nomine. Consilio igitur tocius curiæ habito, ante Concilium eo exuit istam, et illam investivit — — Alvisus Atrebatensis ecclesie post electionem canonicam religiosi viri, et appellationem factam ad sedem primam pro oppressione qua opprimebatur ab eo, non deferens huic ecclesie sue quam ordinaverat, ipse pastorem... 1 Et suscitavit Dominus spiritum Summi Pontificis qui quicquid Episcopus fecerat cassans, suam ecclesiæ, quam habuerat ab initio eligendi quem vellet, libertatem restituit ; et, septimo post ordinationem suam die, pulso incumbatore, fratres suæ primæ electioni firmiter inherentes, dominum Odonem de Sancto Martino in Campis satis idoneam personam, si non nimis inniteretur prudentiæ suæ, communiter elegerunt, immo reelegerunt. Qui vix biennio presidens, natalis soli dulcedine ductus, ut aiunt, suæ quam legitime desponsaverat dedit repudium, et illi alteri cui emancipatus renunciaverat, solo regimine nupsit, nec impune ferens, quoniam nec longo tempore tenuit, et ne dominaretur demum vale fecit invitus. Tunc igitur is... Ingrannus eligitur, et annis quatuor suæ prælationis officium strenue adimplevit, et nunc quoque in Suessionensi ecclesia feliciter præest.