Le roi Louis VII constate qu'en sa présence Milon Queriel d'Attilly a donné à St-Martin-des-Champs et à St-Arnoul de Marolles ce qu'il possédait dans les dîmes de Brie ; son frère aîné Gui d'Attilly et Guillaume de Moret ont approuvé cette cession que le Roi confirme.
- A Original scellé, Arch. nat., K 25, nº 22.
- a Tardif, Monuments historiques, nº 616, p. 309, d'après A.
- b Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
- Luchaire, Actes de Louis VII, nº 576, p. 281 (le titre porte l'indication erronée « Notre-Dame-des-Champs » corrigée à la table).
In nomine sancte et individue Trinitatis, amen. Ego Ludovicus Dei gratia Francorum rex. Quoniam nostri officium est testimonium veritatis perhibere et nulla odii vel amoris causa ad dexteram sive ad sinistram aliquatenus declinare, inde est quod illa que per se firma sufficienter esse non possunt, munimentum auctoritatis nostre requirunt. Noverint ergo universi t. p. q. f. quod Milo Quorielis de Atteleio, in presencia nostra constitutus, se donasse recognovit Sancto Martino de Campis et ecclesie Sancti Arnulphi de Marreolis45 quicquid ipse habebat in magna et parva decima de Braia, perpetuo habendum. Istud donum laudavit in presencia nostra Guido de Attellio, frater ejusdem Milonis, de quo idem Milo decimam illam in feodum tenebat. Willelmus etiam de Moreto de quo prefatus Guido iterum decimam illam in feodum tenebat, donacionem istam concessit. Nos insuper huic donacioni benigno favore assensum nostrum adhibentes, concessimus quod ecclesiam et monachos super hoc contra omnes, pro justicia, manu teneremus, salvo jure alieno. Quod ut ratum et firmum in posterum habeatur, sigilli nostri impressione et nominis nostri caractere muniri et confirmari precepimus.
Actum publice Parisius, , astantibus in palacio nostro quorum subscripta sunt nomina et signa. Signum comitis Theobaldi, dapiferi nostri. S. Guidonis buticularii. S. Mathei camerarii. S. Radulphi constabularii.
Data per manum Hugonis1 cancellarii et episcopi Suessionensis.
