Le Pape Grégoire IX charge l'Abbé et le Prieur de Sainte-Geneviève et l'archidiacre de Paris d'enquêter sur la conduite de certains prélats qui, ne pouvant excommunier les moines de Saint-Martin-des-Champs, protégés contre leurs censures par des privilèges apostoliques, procèdent d'une façon judaïque en menaçant d'excommunication les vassaux, tenanciers ou banniers des moines, qui accompliraient leurs obligations envers ceux-ci.
- A Original perdu.
- B Vidimus de Guillaume III, évêque de Paris, en juin 1244, perdu.
- C Copie du xvie s., Arch. nat., LL 1353, fol. 172, d'après B.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Gregorius episcopus, servus servorum Dei, dilectis filiis Abbati et Priori Sancte Genovefe et Archidiacono Parisiensi, salutem et apostolicam benedictionem. Quanto amplius venerabiles fratres nostri, archiepiscopi et episcopi, in quorum diocesibus monasteria prioratus et aliæ domus, monasterio Sancti Martini de Campis Paris. subjecta consistunt, esse debent justicie zelatores, tanto magis eos decet facere fraudem lesi, et presertim in Apostolice Sedis injuriam et contemptum. Sane dilecti filii Prior et conventus ejusdem monasterii gravem Nobis querimoniam obtulerunt quod quidam eorum archiepiscoporum et Episcoporum ac suorum officialium, cum in eos et dictorum monasteriorum et prioratum monachos non possint excommunicationis et interdicti proferre sententias, eo quod super hoc Apostolice Sedis privilegiis suis muniti, in homines ac alios subditos ipsorum, necnon in eos qui moliunt in molendinis vel coquunta in furnis eorum quique vendendo, emendo aut alias eis communicant sententias proferunt memoratas, et sic Apostolicorum privilegiorum non vim et potestatem, sed sola verba servantes, dictos Priorem et conventum et eorum monachos quodam modob excommunicant, dum eis alios communicare non sinunt. Ex quo illud evenit inconveniens ut ipsi quantum ad hoc judicentur judicio Judeorum, qui eis communicant in predictis, majorem excommunicationem incurrant ; quum etiam excommunicatis communicando fuerant incursuri. Nolentes igitur hæc crebris ad Nos clamoribus jam prolata ulterius sub dissimulatione transire, Discretioni vestre per Apostolicac scripta mandamus quatenus dictis archiepiscopis, episcopis et eorum officialibus inhibeatis expresse, ne hujusmodi presumant sententias promulgare ; quia, si super hoc ad Nos denuo clamor ascenderit, non poterimus convenientibus oculis pertransire, quin promulgatores talium sententiarum severitate debita castigemus. Quod si non omnes hiis exequendis potueritis interesse, duo vestrum ea nihilominus exequantur.
Datum Lateranid, .
In hujusmodi inspectionis testimonium presenti scedule sigillum nostrum duximus apponendum.
