Factum est anno Mº CCº VIIº quod monachi Sancti Martini de Campis traxerunt domnum Arnaldum, abbatem nostrum, in causam, coram abbate et priore Sancti Victoris, et magistro R. de Courcon, judicibus apostolicis, qui, visis cartis utrimque compositis, de querela quitaverunt nos penitus in hunc modum :

Universis p. l. i. J[ohannes] abbas et E[], prior Sancti Victoris et magister R[obertus de Courcon] canonicus Noviomensis 309 salutem in Domino. Notum facimus quod cum inter ecclesiam Sancti Martini de Campis ex una parte, et abbatem et fratres Caricampi ex altera, coram nobis auctoritate apostolica, super stagno et decimis de Bourreth et Sto Hylario308 cum suis appendiciis et decimis de Fevrent308 et rebus aliis questio verteretur, tandem ad minuendos labores utriusque partis, ita condictum est et de communi consensu partium statutum, quod utraque pars promisit sub pena triginta marcarum quod pareret dicto nostro, super eadem causa, quodcumque diceremus, sive per cognitionem, sive sine cognitione, sive de plano, sive alio modo, quocumque vellemus, procederemus. Subjecerunt se etiam nobis ut eos, ex juridictione delegata, ad servandum predictum nostrum dictum, et ad cohercendum partem que illud observare nollet, cogere possemus, nos tres vel duo de nobis, vel etiam unus nostrum si alii presentes esse non possent. Insuper si qua pars contraveniret, predictam penam alteri persolveret et dictum nostrum firmum nichilominus permaneret. Nos igitur, visis et auditis allegationibus utriusque partis et inspectis instruments, de prudentium virorum consilio, per arbitrium diximus transactiones inter predictas ecclesias jampridem factas, debere in posterum firmiter observari, et ecclesia Sancti Martini contra ipsas conventiones non veniat.

Actum Parisius in claustro Beate Marie, in domo archidiaconi Guillelmi. Anno Mº CCº VIIº, iiiº idus novembris.