Guillaume de Mortefontaine, écuyer, et sa femme Richeud amortissent à Saint-Nicolas d'Acy cinq sols parisis de chef-cens avec la justice, légués par Renaud de Victel sur diverses terres qu'il tenait en fief de Guillaume.
- A Original perdu.
- B Copie du Cartulaire de Saint-Nicolas, fol. 68.
- C Collection de Senlis, copie d'Afforty, XV, 881.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Universis presentes litteras inspecturis, officialis curie Silvanectensis, salutem in Domino. Noveritis quod Guillelmus de Mortuofonte, scutifer, coram nobis constitutus, concessit et quittavit penitus et expresse ecclesie Sti Nicholai de Aciaco quinque solidos paris. capitalis census annui cum tota justitia ad eumdem censum pertinente, quos Renaudus de Vietel legavit dicte ecclesie, ut dictus Guillelmus coram nobis dixit, sitos in diversis locis, scilicet duos solidos super virgullum Enjeranni et super terram de la pointe et super domum et terram de Cruce, et quindecim denarios super pratum contiguum orto Enjeranni, et viginti unum denarium super pratum juxta aquam et super vineam de Cruce, quas terras dictus Renaudus tenebat in feodum a dicto Guillelmo, ut idem Guillelmus dixit coram nobis. Promisit etiam se garandire dictum censum cum dicta justitia contra omnes, de jure tanquam dominus feodi quantum in se est. Et Richeudis etiam, uxor dicti Guillelmi, dictam elemosinam quitavit, et quidquid juris habebat, sive ratione dotis, sive quacumque alia ratione, promiserunt etiam sepedicti Guillelmus et Richeudis quod contra elemosinam per se vel alios non venient in futurum. De his omnibus supradictis tenendis et firmiter observandis, predicti Guillelmus et Richeudis fidem prestiterunt corporalem. Quod ut ratum — — —
.
