Le prieur Baudoin affranchit pleinement Avoise, veuve de Guillaume de Clamart, « femme de corps « du monastère, sans réserve du droit de main-morte ; en reconnaissance d'un tel bienfait, Avoise lègue aux moines, après sa mort, une grange à Paris, rue du Cimetière-Saint-Nicolas, et 20 sols de cens sur une maison rue Frepellon.
- A Original, S 1372, nº 25.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
U. p. l. i. frater B[alduinus], humilis prior Sancti Martini de Campis Parisiensis, et ejusdem loci conventus, salutem in Domino. Notum facimus quod nos Haouysim relictam defuncti Guillelmi de Clamart, feminam nostram de corpore, manumittimus, et ei concedimus ut plena et perpetua gaudeat libertate, nichil nobis retinentes in ipsa de illo genere servitutis, quod manus mortua vulgariter appellatur, neque etiam de aliquo alio genere servitutis. Ipsa vero Haouysis, tanti beneficii sibi a nobis impensi liberaliter et libenter non immemor nec ingrata, nobis et ecclesie nostre Sti Martini dedit in perpetuum et concessit, post decessum ipsius Haouisis, quandam granchiam quam habebat, sitam Parisius in vico Cimiterii Sti Nicholai in censiva nostra, et viginti duos sol. par. incrementi census quos eadem Haouisis habebat, assignatos in quadam domo sita Parisius in vico qui appellatur Frepellon, similiter in censiva nostra, que siquidem domus fuit Richeldis filie defuncti Harduini. — In cujus rei testimonium presentes litteras dicte Haouisi concessimus, ad petitionem ipsius, sigilli nostri roboratas.
Actum .
