Richard [de Gerberoy], évêque d'Amiens, confirme à Léger, prieur d'Airaines, certaines dimes aux terroirs de Fraichecuisse et autres.
- A Original perdu.
- B Copie de 1209, Arch. nat., LL 1351, fol. 121.
- C Copie du xve s., Arch. nat., LL 1352, fol. 136'.
- D Copie du xvie s., Arch. nat., LL 1353, fol. 161.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Ricardus, Dei gratia Ambianensis episcopus, omnibus Xristi fidelibus presens scriptum inspecturis, eternam in Domino salutem. Notum vobis facimus quod, cum ecclesia Beate Marie de Harenis1 a multis annis retroactis possederit et tenuerit terciam garbam tocius decime territorii de Harone, terciam garbam tocius decime territorii de Noirum, et sextam similiter garbam decime de Fraicecuisse, quia eadem ecclesia passa erat super dicta decima plures calumpnias et pressuras, utpote qui nostrum non habebat autenticum qui omnes decimas ecclesiis quibuscumque in nostra diocesi assignatas specialiter defensare tenemur, dilecti filii Leodegarius, prior, et monachi ecclesie supradicte, petierunt a nobis dietam sibi decimam confirmari. Quorum nos peticioni grato concurrentes assensu, dicte ecclesie decimam memoratam pontificali auctoritate confirmamus, percipiendam ea integritate et habendam, qua eandem Richardus Dommastres clericus, sub annuo censu, dinoscitur ab eadem ecclesia tenuisse.
Presenti eciam scripto duximus inserendum quod vir nobilis Hugo de Fontanis298 qui prefatam decimam de suo feodo pendere dicebat, coram nobis promisit quod decimam illam, tanquam terrenus dominus, bona fide supradicte ecclesie garandiret. Nos autem promissionem ejus benigne excipientes, litteras nostras, sigilli nostri suffragio roboratas, sepedicte ecclesie super hiis omnibus contulimus in testimonium veritatis, anathematis in terminis supponentes omnes qui hinc nostre confirmationi temere contraire presumpserint.
Actum .
