Maurice, évêque de Paris, constate la ratification par le mineur Pierre de la vente, consentie par son père Aleaume, d'une maison au chanoine Hugues.
- A Original perdu.
- B Copie de 1209 Arch. nat., LL 1351, fol. 52',
- C Copie du xve s., Arch. nat., LL 1352, fol. 52.
- D Copie du xvie s., Arch. nat., LL 1353, fol. 55.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Ego Mauritius, Dei gratia, Parisiensis episcopus, notum fieri volumus t. p. q. f. quod causa extitit inter magistrum Hugonem Novariensem, canonicum nostrum, et Alelmum et filium ejus, super quadam domo quam pred. Hugo ex Alelmo xlii libris emerat, de quibus x libre persolvende supererant. Qua siquidem causa cum diu fuisset agitata, tandem pred. Alelmus et Petrus, filius ejus, de quo, susceptis juramentis, constabat quod ad annos discretionis pervenisset, et adulte etatis esset, jus predicti Hugonis et venditionem domus legitime factam fuisse, coram nobis et Hugone, abbate Sti Germani de Pratis ad cujus juridictionem eadem domus spectat, recognoscentes venditionem illam ratam habere, et ab omni calumnia garantire, fide a nobis recepta, firmaverunt, et quod nullam de cetero super domo illa questionem moverent, concesserunt. Hoc idem Gilla, predicti Alelmi filia, et Petrus Lumbardus, ejus maritus, firmiter tenere concesserunt. Quod ut inconcussum teneretur imposterum, sigilli nostri auctoritate roborari postulaverunt.
Actum Parisius, .
