Accords entre Roger, gaînier, et sa sœur Roce, enfants de Pierre Blondel, sergent au Châtelet, et le chambrier de Saint-Martin.
- A Original, S 1385 A (coté Arch. nat., S 1383, n. 2).
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Sciant presentes et futuri quod ego Resse, filia Petri Blundel, de Chastelet de Parisius, in propria et legitima virginitate mea, et in plena etate et potestate mea, concessi, et eciam omnino quietum clamavi, de me et heredibus meis, Rogero Blundel fratri meo primogenito, et heredibus suis, vel suis assignatis et eorum heredibus, totum jus et clamium quod umquam habui, vel de cetero habere potero, in illis domibus cum pertinentiis in Parisius, que fuerunt quondam Petri Blundel patris mei ; ita vid. quod nec ego nec heredes mei, nec aliquis alius, vel aliqua alia, pro me vel per me, ullum jus vel clamium in dictis domibus vel pertinenciis de cetero clamare vel vendicare poterimus. Pro hac autem prescripta concessione et quieta clamatione dedit mihi dictus Rogerus frater meus totam terram suam quam optinuit hereditarie, in villa de Ullay post patruum suum, cum omnibus suis pertinenciis. In cujus rei testimonium huic scripto sigilli mei impressionem apposui. Hiis testibus : Galfrido de Chyvilly, Yvone Le Peleter, filio Willelmi Bover de Bramcort, Roberto de Ullay, Phillippo persona de Trecort, Hugonis de Witstan, Johanne de Giltwayt, Willelmo filio Lanne de Waleswode et aliia.
