Pierre II, évêque de Paris, autorise les moines de Saint-Martin à ériger une chapelle pour leur maison de Vitry[-sur-Seine], dans la paroisse des SS. Gervais et Protais, réservant à cette église toutes les offrandes et son droit paroissial sur toutes les personnes au service des moines ; le curé pourra officier dans la chapelle le jour de la fête du patron qui lui sera donné. Elle n'aura ni cloches, ni fonts ; nul prêtre, moine ou séculier, n'y résidera.
- A Original Arch. nat., L 878, nº 90. Fragment du sceau épiscopal, en cire blanche.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Petrus, Dei gratia Parisiensis episcopus, o. p. l. i. salutem in Domino. Noverint universi quod nos dilectis nostris Priori et monachis Sti Martini de Campis Parisiensis, de consensu et voluntate Archidiaconi et presbiteri parrochialis, et patroni loci, concessimus ut liceret eis habere capellam in domo sua de Vitriaco68 in parrochia SS. Gervasii et Prothasii. Et ne ecclesia parrochialis propter hoc enormiter lederetur, ita ordinamus inter eos quod in dicta capella nunquam fieri poterit Prioratus, nisi de assensu et voluntate nostra et presbiteri parrochialis, nec tintinnabula appendi, nec fons baptismatis consecrari, nec ecclesia parrochialis, nec aliquod jus parrochiale fieri, nec monachus sacerdos residens, nec presbiter secularis institui in eadem. Nos quidem et successores nostri et Archidiaconus loci in ipsa capella et loco, absque procuratione, plenam jurisdictionem habebimus, salvis privilegiis ecclesie Sti Martini, quantum ad personas monachorum Sti Martini. Si vero aliqui proventus ibidem fuerint, tam in pane quam in vino, tam auro quam argento, et candelis et rebus aliis quibuscumque, quocumque modo vel a quibuscumque provenerint, ad presbiterum SS. Gervasi et Prothasii fideliter deferentur vel transmittentur, per manum servientis ibidem manentis vel uxoris sue, die qua oblata fuerint, si fuerit panis vel vinum. Si vero alia oblata fuerint, infra ebdomadam reddentur. Ita et quod non minus propter hoc omnes servientes domus predicte jura parrochialia eodem presbitero solvere tenebuntur, et super hoc tam predictus serviens quam uxor sua vel quicumque ad custodiam domus illius fuerint deputati, vel ibi manserint, infra septimanam postquam fuerint requisiti, prestabunt predicto presbitero fidelitatis juramentum quod omnia supradicta eidem presbitero fideliter conservabunt. Et si fraus interveniret, vel violentia, ipsi restaurare de proprio tenebuntur si habeant unde ; sin autem, Prior Sti Martini restituet, ad dictum servientis. Si vero ipsam capellam contigerit consecrari in honore alicujus Sancti, presbiter parrochialis in festo illius Sancti ibi, si voluerit, poterit celebrare, nisi monachos Sancti Martini contingat esse presentes ad hoc. Si litteras quas prefati Prior et monachi pred. presbitero super hiis contulerunt aliquo casu fortuito ledi contigerit aut deleri, ipsi, dummodo eis reddantur veteres, easdem sub eadem forma tenebuntur renovare. Quod ut ratum et inconcussum in posterum perseveret, presentes litteras ut perpetuam obtineant firmitatem, sigilli nostri munimine confirmamus.
Actum .
