Hugues de Toucy, archevêque de Sens, confirme à St-Martin l'église de Fontaine-le-Port, au temps du prieur Eudes II.
- A Original perdu.
- B Copie de 1209, Arch. nat., LL 135, fol. 39', collationnée et complétée sur A des passages entre crochets.
- C Copie du xve s., Arch. nat., LL 1352, fol. 30.
- D Vidimus de 1522, sur A ; S 1344, nº 16.
- E Copie du xvie s., Arch. nat., LL 1353, fol. 29'.
- a Marrier, Monasterii S. M. de Campis historia, p. 520.
- b Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
In nomine sancte et individue Trinitatis. Pastoralem condecet sollicitudinem venerabilia et Deo dicata loca tanto amplioribus beneficiis augmentare, quanto in eis ferventius gregis devotio pro humanis excessibus supernam misericordiam nititur exorare. Eapropter ego Hugo, divina dignatione Senonensis archiepiscopus, predecessorum meorum vestigia sequens, ecclesiam de Fontanis270 cum presbiteri electione et presentatione ; atrium etiam et totam majorem decimam cum tota minore decima, exceptis xv sextariis hiemalis annone et xv avene, quos presbiter annuatim a manu ejusdem ville procuratore accipere solet, monasterio Beati Martini de Campis, in quo fraterna caritas et religionis ordo vigere dignoscitur, concessimus et inviolabiliter confirmavimus. Salvo per omnia jure Senonensis ecclesie et nostro. Quod ne tractu temporis vel malignantium versutiis in dubium revocetur, presenti scripto et sigilli nostri auctoritate muniri curavimus. [His testibus : Stephano archidiacono, Theone, Roberto, Stephano, canonicis Senonensibus ; Galtero decano Milidunensi et Nicolao cantore, et Thoma cognato Archidiaconi.]
Actum est hoc apud Milidunum, Odone existente priore Sti Martini de Campis, et Galtero monacho262 procuratore de Fontanis270.
