Saint Anselme, ancien abbé du Bec, élu, mais non encore sacré archevêque de Cantorbéry, ayant salué avec joie l'entrée dans la communauté de St-Martin-des-Champs, où préside son ami le prieur Ourson, de Galeran préchantre de Paris, aussi son ami, écrit à celui-ci pour exprimer son chagrin d'apprendre les obstacles que rencontre sa vocation. L'évêque Geofroi s'y est catégoriquement opposé ; il exige que le préchantre reprenne son office. Anselme encourage Galeran à résister à cette pression.
- B Copie du xive s., ms. lat. 14762, fol. 114 et 132.
- a Robert de Lasteyrie, Cartulaire général de Paris, t. I, p. 137, nº 111.
- b Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Domino et amico karissimo Vualeranno, olim cantori Parisiensis ecclesie, frater Anselmus, electus archiepiscopus Cantuariea, semper ad meliora proficere et numquam deficere. Audivi, amice karissime, quod propositum sancte conversationis eligens, monasterii Sancti Martini sub karissimo amico meo domno Ursone ingressus fueras, et valde de tanto bono amici mei letatus sum. Sed postea didici quod dominus noster episcopus tuus te inde vi retraxerit, et tristis factus sum. Et quum Honestatem tuam, de cujus dilectione certus sum, sine figmento dilexi et diligo, reprehendit me mea consciencia si te visitare meis litteris et pro possibilitate mea in tanto periculo tibi consulere caritative non studeo. Timeo enim ne Diaboli calliditas animam tuam, dilectam mihi, decipiat ne tibi, quum vi abstraheris et nolens a sancto proposito, posse in clericatu licite et sine culpa, ut olim, permanere persuadetb. Certus esto, karissime, quod nullo modo hoc potest anima tua sine sui reprobatione suscipere, quamvis hoc episcopi sui auctoritate velit defendere. Xristus enim dicit : « Nemo mittens manum suam ad aratrum, et respiciens retro, aptus est regno Celorum. » Mens tua ab aratro Xristi respicit retro, si a proposito, ad quod te vocavit Xristus, et quod incepisti, aliqua occasione tepescendo deficit. Sicut enim episcopi servant sibi auctoritatem quamdiu concordant Xristo, ita ipsi sibi eam adimunt cum discordant à Xristo. Omnis episcopus qui habet vocem Xristi, Xristus est. Et oves illum secuntur, pascuunt vocem ejus. Lege in Evangelio, post hec verba, quem non secuntur oves, et cujus vocem non noverunt. Si persecutio corporis fugienda est de civitate in civitatem, quanto magis persecutio anime ! Annon est anime fugienda persecutio, animam prohibere sequi Xristi consilium ? Amice karissime, si multa non legisses, et rationabilis ingenii non esses, multa tibi dicerem ut quam bonum sit quod incepisti, et quam malum si ab incepto deficis, ostenderem. Breviter dico : nichil salubrius potuisti incipere, nichil periculosius potes relinquere. Nichil igitur separaret animam tuam a proposito monachico quod incepisti. Omnipotens Dominus dirigat et corroboret et consoletur cor tuum. Amen.
Lege in Toletano quarto, de clericis petentibus monachicam vitam, et in quarto decimo libro Registri, epistolam ad Desiderium episcopum de clerico facto monachoc.
