La dame Heudiarde de Gonesse donne, après sa mort, sept arpents de terre situés sur le chemin allant de Gonesse à Montmorency. Ses fils Eudes et Maingaud y consentent, ainsi que leurs sœurs Marie et Erembour, Aszon, mari de celle-ci, et Emmeline, femme de Maingaud. Le moine Hugues, frère d'Eudes et de Maingaud, reçoit ce don pour le couvent.
- A Original perdu.
- B Copie de 1118, Bibl. nat. de Fr., ms. lat. 10977, Liber Testamentorum, fol. 4-5, nº 8.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Notum fieri volumus Xristi fidelibus futuris et presentibus quod Hildiardis de Gonissa dedit æcclesiæ Sancti Martini de Campis septem arpennos terre ad pontem destratoriuma ubi est mansio duorum hospitum et ortus ipsius domne Hildiardis que in vita sua sibi retinuit ; post decessum suum eidem æcclesiæ relinquit. Hospites autem arpenni illius tres solidos, duos denarios minus, solvunt æcclesiæ Sancti Martini. Quatuor autem sunt in via que ducit ab Gonissa ad Montem Maurincium et duos tenet vir quidam, Gulbertus nomine, filius Joszonis, ad censum xv denariorum.
Volens itaque prudens mulier omnem calumpniam amovere, quoddam addidit utile, quod huic cartule placuit scribere, scilicet ut sicut de hac terra cum ceteris terris suis communem censum suum solvebat, ita dum viveret et ipsa solveret, et decessores sui qui sua post se possessuri erunt, eundem censum sicut ipsa solvebat, et ipsi solverent.
Hoc concesserunt Odo et Maingodus filii sui, et Maria et Erenrurgis filie, heredes scilicet possessionum matris sue.
Hoc quidem et alia vice concesserunt Odo et Maingodus in capitulo Sancti Martini coram omni congregatione, recepta seniorum societate, ac donum posuerunt super sanctum altare, pro animarum suarum salute.
Accidit autem postea, Deo annuente, transacto aliquanto tempore, quod Maingodus, de quo superius diximus, dedit æcclesiæ Sancti Martini apud Gonissam tres quadrantes terræ in qua manent duo hospites, solventes æcclesiæ Sancti Martini xvi denarios et unum sextarium avene, et duos panes, duosque capones. Hoc concesserunt Paganus et Juliana141 a quibus terram illam Maingodus tenebat, et uxor ejus Emmelina, et frater ejus Odo de Gonissa. Quod factum est per manum domni Hugonis monachi, fratris Maingodi et Odonis.
Hujus rei testes sunt : Aszo sororius Maingodi118, Willelmus et Gilbertus fratres, Johannes Pavonellus, Martinus et Durannus, cognati eorum, Burdinus de Silvanecti, Hermerus de Vitella27.
Hoc factum est temporibus Urbani pape et Philippi regis Francorum, Gaufrido Parisiensi episcopo adhuc vivente, domno Hugone Cluniacensi existente abbate, domno Urso de Campis priore .
