Roger, archidiacre de Beauvais, constate, par l'apposition de son sceau, l'authenticité d'une charte par laquelle, à St-Léonor de Beaumont, en présence du prieur Henri et du moine Thibaud, le comte de Beaumont-sur-Oise Mathieu Ier affranchit les hommes du village de Bernes, dans sa châtellenie, de toutes coutumes injustes, à la requête des chanoines de St-Germain-l'Auxerrois.
- A Original scellé A. N. S. 189, nº 8. Sceau plaqué portant pour légende : SIGILLVM ROGERI BELVACENSIS ARCHIDIACONI.
- B Cartulaire de St-Germain-l'Auxerrois, Arch. nat., L 87, fol. 49.
- a Douët d'Arcq, Recherches historiques et critiques sur les anciens comtes de Beaumont-sur-Oise, formant le t. IV des Mémoires de la Société des Antiquaires de Picardie, Documents inédits concernant la province, Amiens, 1855, in-4º, pp. 3-4.
- b Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
In nomine sancte et individue Trinitatis. Notum sit omnibus tam presentibus quam futuris, quod canonici Beati Germani Parisiensis, videlicet Tebaldus decanus, Daniel, Philippus, Hanricus, Odo, ceterique fratres ejusdem ecclesie, presentiam nostram humiliter adierunt et, quod terras ipsius sancti que sub dominio castri mei, Bellimontis videlicet, habentur et maxime eas que sunt circa villam que Baierna nominatur335, pro amore patris mei et matris mee, et pro nostra ipsa anima, a consuetudinibus injustis penitus deliberaremus, devotissime postulaverunt : scilicet ut agricole terrarum predicti sancti, sine redemptione et licentia prepositi mei, messes suas colligerent, et pascua ipsorum terrarum bestie eorum, libere et sine omni dominio, haberent.
Ego itaque Matheus comes et uxor mea Beatrildis, cum filiis meis Ivone et Matheo, benignissime eis condescendentes, terras prenominati sancti a consuetudinibus injuste impositis, prout postulaverunt : scilicet ut rustici, sine omni redemptione et absque ullius licentia, messes suas colligerent, et pascua sua libere et sine omni dominio haberent, concessimus, nichil in manu nostra retinentes, preter viaturam, et porculam unam duodecim nummorum, et duos solidos quos major predictorum canonicorum, , singulis annis, de communi corum michi persolvet.
Ut hoc autem ratum permaneret, excommunicatio in presencia nostra facta est in monasterio Sancti Leonorii, astantibus monachis, et clericis, et laicis fere omnibus totius castri mei. Cartam quoque istam ad confirmationem hujus rei fieri jussimus, et facte, manus confirmationis addidimus, eamque Belvacensi ecclesie transmisimus, ut eam suo sigillo muniret, et istarum injustarum consuetudinum omnes requisitores excommunicaret. Signa quoque nostra apponimus.
Signum Mathei, comitis. Beatrildis, comitisse, Ivonis, filii. Mathei, filii.
Testes etiam additi sunt : Monachi : Hanricus, prior. Teobaldus, monachus.
Canonici : Rainaldus, Haimo Calzo, Ricardus.
Milites : Garnerus, vicecomes et advocatus predicte terre, Galterus frater ejus ; Adam de Prateriis et Paganus filius ejus335, Petrus de Mesnil335, Radulfus filius Oelardi, Petrus de Valli[bu]s335, Garnerus Calzo, Jouduinus, Ivo cognatus eorum, Hugo prepositus, Odo major predicte terre et filii ejus Arnulfus et Bernardus.
Actum est hoc . . . Concurrente iiiiº. º, Rogero archidiacono.
