Hugues II, abbé de Cercamp, déclare adhérer aux décisions des arbitres choisis par sa communauté et celle de Saint-Martin-des-Champs, l'évêque d'Arras, Pierre, et le prieur de Ligny-sur-Canche, Hervé, réunis à Lucheux pour régler un différend relatif aux dîmes de la paroisse Saint-Hilaire de Frévent
- A Original jadis scellé, Arch. nat., S 1336, nº 7.
- B Copie de 1209, Arch. nat., LL 1351, fol. 97, collationnée et complétée.
- C Copie du xve s., Arch. nat., LL 1352, fol 96'.
- D Copie du xvie s, Arch. nat., LL 1353, fol. 119.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Hugo dictus abbas Caricampi184 et conventus ejusdem loci, universis Xristi fidelibus t. p. q. f. imperpetuum. Cum super exactione decimarum parrochie Sti Hilarii de Feverenz184 inter nos et monachos Sti Martini de Campis, quorum est altare, diu contentio extitisset, tandem domno Petro, venerabili Atrebatensi episcopo, et Herveyo priore de Legniaco83, de assensu nostro et predictorum monachorum Sti Martini, mediatoribus constitutis, in hanc formam pacis convenimus, videlicet quod jamdicti monachi Sti Martini omnem decimationem tocius parrochie prenominate, tam in terra culta quam inculta, excepta decima curtilium infra ville ambitum contentorum, nobis sub annuo censu unius marce ad magnum pondus obtinendam in perpetuum concesserunt, et omne dampnum, quocumque modo fuisset eis illatum, in parrochia prenominata omnino indulserunt. Per hanc etiam pacem omnia dampna que in parrochia eorum de Borraz184, per vivarium nostrum, memoratus Prior et monachi de Legniaco sibi querebantur illata, nobis, de concessione Prioris et monachorum Sti Martini, penitus remiserunt. Hec autem marcha a nobis et successoribus nostris domui Sti Martini, in ejusdem beatissimi confessoris festo de obitu, annis singulis, exolvetur cum alia marcha que in eodem festo, pro capella Sti Hilarii de Nemore184 cum appenditiis suis, memorate domui exolvere, annua pensione, tenemur. Hanc compositionem de assensu nostro et jamdictorum monachorum Sti Martini, per domnum Petrum, Atrebatensem episcopum, et Rerveyum, priorem de Legniaco, apud Luceyum185 factam scribi fecimus, et sigilli nostri testimonio roborari, nominibus eorum subscriptis qui compositioni prefate fuere presentes : Cleophas prior de Luceyo ; Gerardus cellarius Caricampi ; Antelmus monachus Pontiniacensis ;a Ogerus, Aszo, canonici Atrebatenses ; magister Guido, clericus Domini Atrebatensis ; Radulphus miles de Roupot.
Actum est .
