Le prieur Robert notifie l'accord conclu avec Amauri II [de Meulan], seigneur de Gournay, au sujet des bois de Noisy qui sont dégradés et presque perdus ; l'avouerie en est confiée au possesseur du château de Gournay, qui tiendra des moines, à titre de fief héréditaire, le quart du prix de vente des coupes réglées. Le bois sera gardé par deux forestiers, et trente-six ménages dépendants du châtelain y jouiront seulement du droit d'affouage; ce droit ne pourra être revendiqué pour le chauffage des fours banaux, s'il en est établi.
- A Original en forme de chirographe, perdu.
- B Copie de 1209, Arch. nat., LL 1351, fol. 107', collationnée sur A (où pendait un sceau équestre dépourvu de sa légende), et complétée des passages mis entre crochets.
- C Copie du xve s., Arch. nat., LL 1352, fol. 112, d'après B incomplet.
- D Copie du xvie s., Arch. nat., LL 1353, fol. 134, d'après B incomplet, mais avec la date 1183.
- a Recueil des chartes et documents de l’abbaye de Saint-Martin des Champs, monastère parisien, éd. Joseph Depoin, Ligugé, 1913-1921.
Ego frater Robertus, humilis prior Sancti Martini de Campis, et ipsius loci conventus notum facimus quod dominus Amalricus de Gornaio35 in communi capitulo resipiscens et errorem suum recognoscens, quietum clamavit et guerpivit quicquid in nemore nostro, quod est juxta Nusiacum super Maternam36, sibi usurpabat. Nos vero, paci nostre et salvationi nemoris nostri intendentes, ut ad custodiendum ipsum nemus nobis fidelis adjutor et defensor existat, ipsi et heredi illius, ei solummodo quicumque castrum de Gornaio tenebit, donavimus [in feodum] et hominium quartam partem precii venditionis, quando forestis vendita fuerit, ita scilicet ut feodum istud et hominium ad alium heredem transferri non poterit nisi ad illum qui Gornaii dominus et possessor erit. Verum quia predictum nemus pene adnichilatum jam fuerat, statutum est et concessum ut venditio forestis usque ad decem annos differatur. Hec autem forestis per quatuor venditiones vendetur, transacto decennio. Deinceps arbitrio Prioris Sancti Martini de Campis erit venditio nemoris et dominus de Gornaio, salva sibi quarta parte precii venditionis, non poterit impedire. Si vero, post decem annos, prefatus Prior nominatum nemus vendere postposuerit, ad submonitionem domini Amalrici idem nemus postea vendetur. Omnia autem forefacta, que in jamdicto nemore fient, nobis et ipsi communia erunt. Homines nostri de Nusiaco non dabunt nisi quinque solidos, vel minus si nobis et ipsi placuerit, pro suo forefacto. Omnia forefacta exinde procedentia, et vadia in eorum nemore capta in curia nostra apud Nusiacum tenebuntur; et si gagia duelli exinde fuerint, ibidem in justicia nostra deducentur. Si vero aliquis hominum nostrorum de Nusiaco in duello victus fuerit, redemptio illius lx solidos non poterit excedere. Concedimus insuper omnibus hominibus domini Amalrici qui sunt infra pontem tornatilem et portam molendini Folet, et xxxvi tantum solummodo hospitibus [domini] Amalrici extra eamdem portam manentibus, in ea parte nemoris que est extra forestem, usuarium suum habere, in qua homines nostri de Nusiaco usuarium habent. At si, aliquo modo, furnum, aut plures hospites quam supradiximus in memorato castro dominus Amalricus haberet, furnus et omnes hospites sui, exceptis xxxvi predictis et infra terminos supradictos manentibus, usuario nemoris nostri carebunt. Si vero aliqua pars nemoris illius quod usuale vocant, quocumque modo in terram arabilem redacta fuerit, in jure et proprietate Sancti Martini libere remanebit. Ad custodiam totius nemoris duo fosrestarii, unus a monachis, et alius a domino Gornaii, ponentur qui nobis communiter fidelitatem facient, pro voluntate utriusque partis mutandi, ita quod in forestaria jus hereditarium penitus excludatur. Sed si dominus Amalricus, vel ejus satelles, aliquem eradicantem nemus, vel fodientem invenerit, vadium illius accipiet, et emendata monachis et ipsi communis erit. In memorato nemore neque Prior sine assensu domini Amalrici, neque dominus Amalricus sine assensu Prioris, aliquid dare vel accipere licebita
[Hujus rei testes sunt : Johannes subprior Sancti Martini35, Jocelinus camerarius, Jozo sacrista ; comes Theobaldus38, Girardus Chotart, Rogerius Pica39, Radulfus de Buci40, Radulfus de Campis41, Drogo de Bri42, Theobaldus de Claci43, Johannes de Belloburgo41, Adam de Veres41, Symon prepositus.]
Actum est hoc , [, Mauricio existente Parisiensi episcopo.]
